Popular Bible Verses from Kawikaan 16

Share

Ipagkatiwala mo sa PANGINOON ang mga gagawin mo, at magtatagumpay ka sa iyong mga plano.

Ang tao ang nagpaplano, ngunit nasa PANGINOON ang kaganapan nito.

Ang matatamis na salita ay parang pulot-pukyutan, nakakapagpasaya at nakakapagpasigla ng katawan.

Nasa tao ang pagpaplano, ngunit ang PANGINOON ang nagpapasya kung magaganap ito o hindi.

Higit na mabuti ang taong mapagpasensya kaysa sa taong makapangyarihan. Higit na mabuti ang taong nakakapagpigil sa sarili kaysa sa taong nakakasakop ng isang lungsod.

Ang kayabangan ay humahantong sa kapahamakan, at ang nagmamataas ay ibabagsak.

Ang akala ng taoʼy mabuti ang kanyang mga ginagawa, ngunit sinusuri ng PANGINOON ang tunay na hangarin niya.

Ang taong nakikinig kapag tinuturuan ay uunlad, at ang taong nagtitiwala sa PANGINOON ay mapalad.

Mas mabuti pa ang kaunting halaga na kinita sa matuwid na paraan, kaysa sa malaking halaga na kinita nang hindi makatarungan.

Maaaring iniisip mo na ikaw ay nasa tamang daan, ngunit ang dulo pala nito ay kamatayan.

Ang taong nanlilibak ng kapwa ay nagsisimula ng away, at ang matalik na magkaibigan ay kanyang pinaghihiwalay.