Popular Bible Verses from Mateo 28

Share

Kaya humayo kayo sa lahat ng mga lahi at gawin silang mga alagad ko. Bautismuhan ninyo sila sa pangalan ng Ama at ng Anak at ng Banal na Espiritu. Turuan ninyo silang sumunod sa lahat ng iniutos ko sa inyo. At tandaan ninyo: Akoʼy palagi ninyong kasama hanggang sa katapusan ng mundo.”

Lumapit sa kanila si Hesus at sinabi, “Ibinigay sa akin ang lahat ng kapangyarihan sa langit at sa lupa.

Sinabi ng anghel sa mga babae, “Huwag kayong matakot! Alam kong hinahanap ninyo si Hesus na ipinako sa krus. Wala na siya rito, dahil nabuhay siyang muli tulad ng sinabi niya. Halikayo, tingnan ninyo ang pinaglagyan ng kanyang bangkay.

Sinabi sa kanila ni Hesus, “Huwag kayong matakot. Puntahan ninyo ang aking mga kapatid at sabihin sa kanila na pumunta sila sa Galilea, at doon makikita nila ako.”

Matapos makipagpulong ng mga namamahalang pari sa mga pinuno ng mga Hudyo, napagdesisyunan nilang suhulan ng malaking halaga ang mga bantay. Sinabi nila sa mga bantay, “Ipamalita ninyo na habang natutulog kayo kagabi, dumating ang mga alagad ni Hesus at ninakaw ang kanyang bangkay. Kapag narinig ito ng gobernador, kami na ang bahalang magpaliwanag sa kanya, upang hindi kayo mapahamak.” Tinanggap ng mga guwardiya ang pera at ginawa ang mga ibinilin sa kanila. Kaya hanggang ngayon, ito pa rin ang kuwentong ikinakalat ng mga Hudyo.