Popular Bible Verses from Rom 4

Share

Ka eha ta‑va‑hamwahamwana, kate tauna Yaubada ya vona‑dabadaba vitumahanei. Ika, ya vitumahana natanata, ka tauna ate‑vatu vaniahei, ka Yaubada didigana vo‑vi‑natei yana dewa wayahina deina. Iuna Abaraham vitumahanei vivane Yaubada ya vona‑dabadaba kadu ya bagibagi vivane aitamoata.

Ka Iginuma nihenina Yaubada ivona Abaraham wayahina deina, ivona, “Yauke yau nuanua wamke ininim wayahina tupua‑nenenehi habuhabui ivin'‑omo, taui habuhabui ivi‑wahanim ‘Amau’.” Wayahina, Yaubada matana itoka tau vitumahana amaka vivane Abaraham, iuna Abaraham Yaubada vitumahanei. Ka Yaubada bagibagi‑vainena. Tauna tomotaui aninigai si‑vi‑mini‑havine yawayawai. Ka kadu dewaia eha aka pata kadudueye, tauna dewaia wayahi ipuipupu, kadu apa‑taputapuei, ka kadu vona‑dabadaba wayahi munia iomomo.

Yaubada awaehei yaka Kauvea Iesu aniga. Ka tauna yan' aniga vivane patana itoka yaka dewa goyona wayahi. Iakwa, e Yaubada yaka Kauvea Iesu anigea si‑vi‑mini‑havinei. Ka ya mini‑havine viwaveneka Yaubada ya vona‑dabadaba vona tunutunuhina. Wayahina, tutana tauna voneka itoka tau tunutunuhika tauna matana yaka vitumahana ana heta wayahina, itoka vivane tau tunutunuhika akanai.

Abaraham vona‑dabadabana vitumahanei. Kaiwadi, aituhu vona‑dabadabana kanononi, kava‑hamwahamwana, o kanuanua, “Eha ana pata dewana vin'‑omo.” Kate Abaraham onoto tunina. Wayahina, tauna ya nua‑vaniaha nui potapota a itoava Yaubada ya vona‑dabadabana ya tupua‑nenenehi wayahi vaniahei wayahina. Iuna Yaubada avaha vona‑dabedabeyei, “Apaina wamke yam tupua‑nenenehi habu‑vainei imamaei, taui ai yau wadima ai yau deina.”

Wayahina, Yaubada nau‑iaiava wayahina vona‑dabadaba, ka itoka aka pata nau‑iaiavana kavaniahei vitumahana wayahina. Ka kadu kana‑vona nau‑iaiavana vin'‑omo wayahikaia Yaubada yan' am‑venena awawaehina wayahina. Ka nau‑wawanika kan'‑anamanei Yaubada ya vona‑dabadabana boui tau vitumahana habuhabui wayahi. Eha itoka me Iudea aka heta Abaraham dayahina wayahina katupua. Kate aituhu aviyaivia Yaubada ivitumahanei, Abaraham deina, akanai kadu taui ai pata nau‑iaiavana ivaniahei.

“Aituhu aviyaivia avaha nua‑piaha ivaniahei Yaubada wayahina, ka aituhu aviyaivia wayahi Yaubada avaha yai dewa goyona bwaei, akanai, taui avaha nau‑iaiava ananina ivaniahei deina! Aituhu aviyaivia wayahi Yaubada avaha yai dewa goyona nua‑pania, akanai, taui idewa‑haiawa ananina nau‑iaiavana wayahina!”

Iuna Iginuma ivona deina, “Abaraham Yaubada vitumahanei. Wayahina, Yaubada awaehei vivane tauna tau tunutunuhina, eha aitam yana dewa goyona Yaubada matana deina.”