Popular Bible Verses from Rom 11

Share

Iuna dewa habuhabuna ai pai vi‑putu vivane Yaubada, ka dewa habuhabuna yawai vivane Yaubada, ka dewa habuhabuna ai pai nau‑yehata vivane Yaubada. Wayahina, tauna nau‑wawani tuta tuta itoka tomotau habuhabuka papani aitamoata aitamoata wayahina kawa‑davedavei. Ana pata deina.

Yaubada ya nua‑uya ani‑vainena vivane ito‑niuna, kadu yan' am‑venena awawaehina ahihi‑vainena. Tauna ya nua‑uya itoka tomotau yaka nua‑uya bagibagi‑tawanei, ka itoka tomotau eha aka pata tauna ya nuanua kan'‑anamane‑vidoha, kadu eha aka pata tauna yana dewa a venavenau kan'‑anamane.

“Yaubada avaha dewa habuhabuna anamane‑yehai, wayahina, eha aitam koiaka ana pata Yaubada na‑mataede. Eha aitam.”

Nonova dewana vin'‑omo, kadu ataina vin'‑omo aitamoata deina. Ataina tuta Yaubada avaha me Iudea tupwai vi‑nua‑dadanei yan' am‑venena awawaehina ivaniahei. Unononi. Aituhu Yaubada tauna yan' am‑venena awawaehina nui vi‑nua‑dadanei na‑ito‑yavuhi, kan'‑anamanei eha Yaubada ya nuanua naona tomotau ya veimea ivi‑ateteye tunuhina, e munia na‑ito‑yavuhi. Aituhu deina, yan' am‑venena awawaehina aviani?

Vona ahiahina, me Isiraeli tupwai eha Yaubada ita‑vitumahane. Wayahina, tauna ai olive‑nana V wayahina paipai. Ka Yaubada taumi epami, e ai‑nana ahiahina dobwana wayahina tubomi. Itomi yami tupua vivane ai udaudana wayahina, kate ataina wetona ahihinata vanevane wanohina wayahina, e taitaina nihenimia. Kate taumi eha me Iudea nau‑wawanimi udune‑vivinimi ahiahina. Eha nau‑wawanimi unua‑vane o uvona‑vanevane deina, “Itoka tomotau ahiahika, kate tomotaui me Iudea goyogoyoi. Wayahina, Yaubada taui paipai, e tauka tuboka kama'‑vavaha taui ai pai vi‑ai nihenina.” Vonana vona‑kavokavovo. Ataina itomi yawaimi vanevane ai wanohina wayahina. Itomi eha ai‑nana wanohina uta‑ivaite. Eha. Ai‑nana wanohina ivaitemi. Nau‑wawanimi unuani deina.