Popular Bible Verses from Yoshua 1

Share

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Ebiri mu kitabo kino eky'Amateeka bitakuvanga ku munwa. Bisomenga omusana n'obwire era ng'ogondera byonabyona ebyaghandiikibwamu. Olwo ebintu byonabyona biidha kukujiiranga bukalamu ng'ezira kikulema.

Iwe ky'oli n'okukola, n'okuba n'obumalirivu era n'obutatya nga weegendereza okugondera amateeka goonagoona, omugheereza wange Musa ge yakugha. Togavangaku waire akatono kati, olwo buli kintu kiidha kukujiiranga bukalamu woonawoona.

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Banga mumalirivu era atatya. Niiwe oja okukulemberamu abantu bano obaleetere okutwala ensi ye nabasuubiza okubagha nga mbita mu badhaadha baibwe.

Nga bwe nakobera Musa, kiisi ghe munaaniina ekigere woonawoona mbaghairegho.

“Musa, abaire omugheereza wange, yafa. Kale ni, iwe weetegeke n'Abaisiraeli abandi boonaboona, musomoke omwiga Yorudani, mwingire mu nsi ye ndi kubagha.

Musa omugheereza wa Musengwa Katonda bwe yafa, Musengwa Katonda yaayogera ni Yoshua, mutabane wa Nuni, eyali omuyambi wa Musa yaamukoba ati

Ekiketezo kyaimwe kiidha kuvanga ku irungu okutuuka ku nsozi dh'e Lebanoni, n'okuva ku mwiga omunene Eufurate oguli e buvandhuba, nga mutwaliizaamu ensi yoonayoona ey'Abahitti, mutuuke ku Nhandha Eyaghagati ku luuyi olw'e bugwandhuba.

Oyo yeenayeena ataakuwulirenga oba anaalobanga okukola ky'omukobye, wa kwitibwanga. Iwe banga mumalirivu era atatya.”

Mubitebite mu bantu eyo mu weema dhaibwe ye bali mu bakobe muti: “Mwetegekereyo emere ey'omu lugendo, kuba olwadhuuzi muja okusomoka omwiga Yorudani okuja okutwala ensi, Musengwa Katonda waimwe y'ali kubagha.”