Popular Bible Verses from Amainhama 50

Share

Imwe mwayenda okunkola ekibi, aye Katonda yaayenda kiveemu ekirungi olw'okuwonia obulamu obw'abantu kamaala. Abantu abo bakaali balamu mpegaano, olw'ekyo ekyabaagho.

Aye Yosefu yaabakoba ati: “Mutatya, nze tighanga kweta mu kifo kya Katonda.

Kale ni mutatya naire, ndidha kubalabiriranga imwe, n'abaana baimwe abato.” Yaabagumya atyo n'ebibono eby'ekisa.

yatukoba tukusabe osonighe omusango n'ebibi bya baganda bo, kuba bye baakukola bibi inho. Mpegaano tukweghembye, tusonighe ebibi bye twakukola, ife abagheereza ba Katonda wa lata wo.” Yosefu yaalira amaziga bwe baamukoba ebyo.

Agho Yosefu yaakoba baganda be ati: “Ndi kumpi okufa, aye Katonda taliroba kubalabirira n'okubatoola mu nsi eno, okubatwala mu nsi gye yalayirira Aburahamu, ni Isaaka, ni Yakobo.”

Agho Yosefu yaalayiza abaana ba Isiraeli ng'akoba ati: “Mulayire muti Katonda bw'alibatoola mu nsi eno, mulitwala amagumba gange.”

Kale ni, Yosefu yaafa ng'agheziiza emyaka egy'obukulu kikumi na ikumi (110). Baakaza omulambo gwe gulobe kuvunda, era baamuta mu sanduuku mu Misiri.