Popular Bible Verses from Amateeka Agokubiri 11

Share

Mubyegeresenga abaana baimwe. Era mubyogerengaku nga muli ghaka, oba nga muli mu ngira muli kutambula, nga mulambaire, oba nga musitwikegho.

“Mukuumenga ebiragiro byange ebyo mu mitima ni mu myoyo gyaimwe. Mubyesibenga ku mikono gyaimwe, era mubyetimbenga mu byeni byaimwe ng'akamanhiso.

“Kale ni mufubenga okutuukiriza ebiragiro, bye mbaghaire olwaleero. Mugonzenga Musengwa Katonda waimwe, mumugheerezenga n'omutima gwaimwe gwonagwona, n'omwoyo gwaimwe gwonagwona. Olwo aidha kugwisanga amaadhi mu nsi yaimwe mu biseera byago eby'omusambya n'eby'omutoigo. Olwo musobolenga okukungula engaano, n'okufuna omwenge ogw'emizabbibu n'omuzigo ogw'ebibala eby'emiti emyoliva.

Musa yaakoba Abaisiraeli ati: “Mugonzenga Musengwa Katonda waimwe buliidho, era mutuukirizenga byonabyona by'ayenda mukole: amateeka ge, n'ebiragiro bye, n'okulamba kwe.

“Olwaleero ndi kubagha mulondegho, okugheebwa enkabi oba okukolimirwa. Mwidha kugheebwanga enkabi, bwe munaawuliranga ebiragiro bya Musengwa Katonda waimwe bye ndi kubagha olwaleero. Mwidha kukolimirwanga bwe mutaawulirenga biragiro bya Musengwa Katonda waimwe, ni mukyuka okuva ku bye ndi kubalagira olwaleero, aye ni mwira mu kusinza bakatonda be mutasinzangaku.

Mubighandiikenga ku myango egy'emiryango egy'endhu dhaimwe, ni ku miryango gy'ebibuga byaimwe. Olwo imwe n'abaana baimwe, mughange okughangaalira mu nsi Musengwa Katonda ye yasuubiza okugha badhaadha baimwe. Era mugibeemu ekiseera kyonakyona eigulu kye lirimala nga liri ghaigulu gh'ensi.

Mwekuume mulobenga kusendebwasendebwa ni muva ku Musengwa Katonda, ni musinza bakatonda abandi era ni mubagheereza.