Popular Bible Verses from 1 Ab'e Korintho 11

Share

Mu nsambo n'endala, bwe baamala okulya ekyeigulo yaagema ekikopo yakoba ati: “Ekikopo kino n'endagaano empyaka ekakasibwa n'omusaayi gwange. Buli lwe munaakinhwangaku, mukikolenga olw'okundidhukira.” Kino kitegeeza kiti buli lwe mulya ku mugaati guno, era ni munhwa ku kikopo kino, munaabanga muli kumanhisa okufa kwa Musengwa okutuusa lw'aliira.

Okwegeresebwa kwe nafuna okuva ye Musengwa zeena kwe nabagha. Obwire Musengwa Yesu bwe baamugheerayo, yagema omugaati, era bwe yamala okusiima Katonda, yaagumegulamu era yaakoba ati: “Guno n'omubiri gwange oguligho ku lwaimwe. Mukolenga kino olw'okundidhukiranga.”

Agho ni, buli muntu ateekwa kwebona oba nga agwaine, memale yaalya ku mugaati, era yaanhwa ku kikopo kuba buli alya ku mugaati, era n'anhwa ku kikopo nga tategeire makulu ga mubiri gwa Musengwa, yeereetera mwene omusango okumusinga.

Kale buli alya omugaati oba anhwa ku kikopo mu nsambo etagheesa Musengwa kitiisa, aiza omusango ku mubiri n'omusaayi gwa Musengwa.

Mukolenga nga nze, era nga zeena bwe nkola nga Kurisito bye yakola.