Popular Bible Verses from Hemallaha Ngana 11

Share

Iok laol, angkelo rahtele nai ngana iua nena ngalum paena pe e longe hulua nga tapa nge te makul ke soke toto ke te teke, “Ara Soke NeHalang pe Kristus te lohot ke iri naungaala ana hana mur ke tenau ele ich lochloch. Pe lape tenau ele ke koko ol.”

Pe hana lomonmona ngana mur leteria inin pe Iong pule letem inin ngana lohot lo. Pe lem haliunga ana etue lohot lo nenge lape o amnei teu lange iri nenge te mete ke ulolo. Pe lape o tunge ure urana ngana mur lange lem hetatalonga mur nenge te rahite lem ume, pe lem hana mur, pe iri nenge te heto hekeke em pule. Pe pule nge iri nenge pingaria iuiu pe iri nenge pingaria iuiu ero. Pe etue nei, Iong am etue nenge lape o heporeke iri nenge te hunune hehei pe hana mur nga ich.”

Pe lape e tunge kerkerenga lange lek hetatalonga nai ke te haliu hote lek helenga. Iri nai lape te pore haso pe te haliu hote lek helenga ke etue iri ana non kina lime iri analoch pe ana non kina analoch pe ana non kina mol (1, 260).”

Iok, etue iri mol pe sinanga koana unne neu het pe NeHalang iu teu mule eingana lange iri nai ke te maul haka mule. Pe hehei pe hana nenge te naue iri nai, operia ua toto.

Pe iri nai reria kerkerenga nenge te rahele tapa sana ke pitte mol sio ero, nga etue nenge te haliu hotote NeHalang nena helenga mur. Pe iri nai reria kerkerenga nenge te poia ech ke lohot ke pomanga toho pe te heporeke ich nga urelu poreke ngana mur. Pe te poia ure nemur ke te lohot ke emule mana nga lemeria ngaria.

Hana nai nem, iri ae tana nai nem nenge te hetue ke ae oliua pe pule, iri lemenge ana hemesinga haka nai nem nenge temes nga Non Soke nenge nauele ich nei matana. Pe nenge teke mele mil iri nai aria ke teke hune iri, oan lape sapel hot nga haria ke ngaulele mele nem. Pe reria ngarang mur nenge te teke te hunune iri nai, lape oan ngaulele iri ke pomalam pule.