Popular Bible Verses from Pilipai 2

Share

Pe poinga nenge a ngailele mele pe atal heke imo, poinga panem poreke toto. Pe a nanasia koi poinga nei: Aau sue imo ke aele sio toto nge pekngamo mur. Letemo ia imo toro ero, anau lange mele hel pule.

A rahite letemo tuanin ngana mur ke pomange Iesus Kristus

I NeHalang toto pe tal heke i ke pomange NeHalang ero. Iesus Kristus tal sio mene i pe lohot ke i non pe ume ke halaulaua ita. Pe tal sue i pe longo tau mana ke la het nga ana metenga nenge te heon heke i nga manga toto!

Iange NeHalang kokoes ume nga letemo ke lememo taua I lemene ngana pe pule hekerkereng ia imo ke a longo taua.

Nga nem mana, NeHalang tal heke tote i pe tunge ene nenge pingana iuiu nga hulua lochloch eria. Pomalam, hulua nemur nga tapa pe nga ich pe nga ich letena lape te longe Iesus ene pe te tualou sio sapele lange i. Pe lape hulua lochloch te haliu hote leteria manmanna ngana ke te teke Iesus Kristus I Non Soke. Pe hemalmalinga palaungana lange Temene NeHalang.

A poia amo ume lochloch ke nek mana pe a ngunngunu hel pe a hunel ero. Pomalam lape NeHalang esia poinga poreke ngana e nge imo ero pe atu ke pomanga tutuna mur pengpeng. Pe heueu nei atu luluch nge hana porekreke ngana mur nga ich nei kura. Pe lemek ke atu ke nek ke pomanga NeHalang lemene ngana. Pe apoi ke pomanga lemenge nenge tua leme nga kileng au ngana.

Oe atong mur, nga etue nenge etu luluch nge imo, a longo taua iau. Pe heueu nei ol etu ke kangkanga ol, pe lemek ke a longo tau ngamo nem, tu ke kerkereng. A ume ke kerkereng luluch nga mataunga pe loiloinga ke a heulo hote lemo maulinga nge koko.