Popular Bible Verses from 1 Petrus 3

Share

Pe a heto heke Kristus pe a talue i ke i Non Soke nga letemo. Pe kokoes a tatalo ala ke a tuachol ia iri nenge te onteitei ia imo nga ure nenge a kulkul elele, pe a tuacholia reria onteinga nga poinga nge urana. A kangkanga toto nga poinga poreke ngana, pomalam lape a hemeia iri nenge te hele porekreke imo nga lemo poinga urana ngana mur nenge at nge Kristus.

Iange Non Soke nauelele laka iri nenge te popoia poinga nge pengpeng pe longo lala nga reria hetalaulaunga mur. Pe Non Soke letena inin tautaua iri nenge te popoi poinga poreke ngana.”

Ke pomalam a lule palpalumo ina pe a nene nananga chalemlem ngana pe a heronia hengeron urana ngana mur ke a hemalmal heke imo ero. Nakumo urana ngana nenge lape tu ke koko, lohot at laka nga ngamo nenge tu teu nge imo – nge maluch pe tu ke nek manmana pe nakuna urana toto nga NeHalang matana.

Iange NeHalang nena helenga nenge tehas sue ke ulolo, hele ke teke, “Mele nenge mutena ke teke tu ke iech manmana pe teke nena kilanga lohot ke urana toto, ana hengetau pal haka sio ia helenga poreke ngana e ero. Pe hile tote poinga nenge pallaklaka nga nena helenga mur. Pe hul rumena ia poinga poreke ngana pe poia poinga nge urana; pe tango rara tote tunga nge nek pe nanas tau tote.

Iok laol, e teke imo lochloch ngana atal sue imo pe letemo elle pe letemo ia pekngamo mur ke a amneia melmelenga luluch nge iri pe mutemo tau helel pe anek helel nge imo. Nenge teke mele hel tepoi poreke imo, a tuacholia nga poinga poreke ngana e ero. A tuacholia nga nenge a onteia NeHalang ke poi ke urana lange iri. Iange NeHalang iua imo ke nena hana mur imo pe lape poi ke urana lange imo.

Nenge teke mutemo toto ke a teke a poia poinga nge urana, itei lape poi poreke imo?

Pe hul rumena ia poinga poreke ngana pe poia poinga nge urana; pe tango rara tote tunga nge nek pe nanas tau tote.

Nenge teke NeHalang lemene, ta takisia melmelenga nga rera poinga urana ngana mur, pe nem urana nga nenge ta takisia melmelenga nga rera poinga poreke ngana mur.