Popular Bible Verses from 1 Korin 5

Share

Tafe'ua ma, nga 'ola laka'u 'inau ku fata 'i suria 'e 'ilo'oo, dauru goru sia lado mola fe'enia nga ta'a na'a gila iiria gila tagoto'o ala Jisas Kraes, ma gila nana'i na agemaninga, ma gila ka kwaibabasi, ma gila ka fo'asia nga nunu'i 'ola, ma gila ka fata ngada ta'a ngaa'i, ma gila ka go'ufia waeni 'e iiki, ma gila ka beri. Tafe'ua gwa'a 'ola sisika'a 'ilaka'u fangalaa, ma moru sia lado la'u ai fe'enia ta'a 'ino'ona.

Ngaia na'a, 'e le'a fana 'amoru beloa wane lo'oo fa'asia 'amooru, 'ilaka'u ta'a 'i Jiu gila lafua iist fa'asia 'ifi aga na alata na Fafangalaa na Tala Riunga. Ma lauta mooru lo'o suria nga 'ola lo'oo, rianga te'e 'amoe 'i lalo 'amooru ma tamooru 'ilaka'u no'o nga beret fooru ne'e 'ame to'o na iist 'ubulai. Ma 'inau ku su'a amooru 'e sui no'o tofuna la Jisas Kraes 'e mae no'o fana rianga adauru, ma ngaia 'ilaka'u te'e sifisifi na'a gila tabo no'o 'ania na Fafangalaa na Tala Riunga.

Ta'a lo'oo gila 'ame tagoto'o la'u ala Jisas Kraes, goru 'ame to'omia fana sufalaga. Te'e God momola no'o te'e sufaga. Tafe'ua ma lauta ta wane adauru ta'a goru tagoto'o 'e agea te'efuta 'ola 'e ria, tagoru to'omia fana 'agoru sufaa. Suria nga Girigiringa Abu laka'u 'e fata 'ilo'oo, “Lauta ta wane 'e ria 'e to'oru 'ubulana oguogunga amooru, tamoru lafua fa'asia oguogunga amooru.”