Popular Bible Verses from Salmo 37

Share

Én nimòyu klehewyu Amuito Dwata, na blén di gamu dad knayè i nawayu.

Fagotyu i ktoyu na kdee nimòyu di Amuito Dwata; smalig gamu di kenen na tnabengan gamu.

Fanak gamu na fantahàyu i nawayu fatan i ktabeng Amuito Dwata gamu; na nangyu fsamuk i nawayu gablà di bong gwè i dad to sasè, na gablà di to too fulung dmohò i sasè fandaman.

Kabay én nimòyu, too gamu smalig di Amuito Dwata na mimò fye, du fye nun fye knèyu na landè sasè kel di gamu.

I Amuito Dwata malak i satu to di kagun na di nimoan, na i dad to gaflehew kenen fgalan i klafàla di kdee nimòla; du balù gsindul kenen laan tì gafles fugen, du i magot kenen i Amuito Dwata.

Na ku én nimòyu, fite Dwata i katluyu di kdee to; na i kfiten i klandè salàyu salngad i kfiten kneng i duh di kaltu i duh.

Nang gamu flabè, tagakyu i kalbut nawayu! Na nangyu fsamuk i nawayu du én i gamgebe gamu di sasè.

Ani tatua agu nan, bay mdà fa di tingà agu kel ani, landè fa teengu i to matlu ku tatì fbayà Dwata, na landè fa teengu ku i dad ngaan gal mni kakaanla mdà di klandèla.

Nangyu fsamuk i nawayu gablà di dad to sasè, na nang mingà nawayu i dee gwè i dad to mimò sasè