Popular Bible Verses from Dad Fngewe 2

Share

Du Dwata mlé kfulung faldam, na di kenen gumdà i gnadè na kaglabat.

Tingàgu, flinge ge i tdògu ge, na nangam nlifet i kafngewegu ge. Flinge ge i gman i kfulung faldam, na toom fkah di nawam na fnaglabatam di fandamam. Hae, toom fni i kfulungam mebe ktom, na fadlug ge mni i kaglabat. Na toom fanngabal i kfulung faldam, salngad i kafngabalam salafì demen i knun buni. Du ku nimoam ani glabatam i klikò di Dwata, na nun gnadeam gablà di kenen.

Mlé kenen tabeng di dad to matlu, na kenen i klungla. Hae, kenen kamlung i dad to mimò fye di demela to, na nalakan dad to i gsaligan di dalan gumagula.

Du i dad to matlu, ale sa gamdawat i kafye blé Dwata, na mlawil ale di tah tanà ani. Kabay i dad to sasè, snabà Dwata mdà di tah tanà ani, na nsoan ale, gambet i ksò i dad bnas mdà di tanà.

Na i too glut kfulung ani, fadnan ge di boyo i libun mkat lagi. I libun gambet ani, kahan i yaanan, na nlifetan i fakangan di Dwata di ksongla.