Popular Bible Verses from Roma 8

Share

Netegahan tadon den te pineokit te kedita te domateng kenitadon, doen kèpiyaan inangen te Timanem diyà te kedita tadon doen dakel pedowan kandin, so tinawal kidon din tandà te kandin ibeg.

Netegahan ko te wedad palos mekeelet te pegkedakel te pedowan te Timanem kenitadon. Pengkey imetayan kidon, aw pengkey menamay pa se pegkematay tadon, gayed kidon egkedekelan te Timanem te pedowan. Pengkey menge anghil, aw pengkey menge doma eglowan, wedad mekeelet te pegkedakel te Timanem te pedowan din kenitadon. Pengkey eden se domateng seini aw modi aldaw, pengkey eden se mekelelamit, wedad mekeelet te pegkedakel te Timanem te pedowan din kenitadon. Pengkey doton diatas te langit, pengkey doton didalem te dagat, pengkey eden se dini lanto te tanà, wedad palos mekeelet te pegkedakel te Timanem te pedowan din kenitadon imbegay din kenitadon pineokit te Pengolo tadon si Jesu Cristo.

Egtebangan kidon heman te Espiritu Santo amon eked kidon lengà se egpeliman. So aw eked kidon ketaga-taga aw eden se mèpiya pemoyoen tadon te pegtawal-tawal tadon diyà te Timanem, ikeliwat te Espiritu Santo se ontò medalem ibeg te pedowan tadon eked tadon keikagi.

Aw meg-aneng-aneng kidon tepad te kedita te kèpiyaan ininang te Timanem kenitadon, ketegahan tadon te wedad palos mekedaeg kenitadon so egdomaan kidon te Timanem.

Yan eked pelumuni te Timanem se kedita te otaw migpesakop diyà ki Jesu Cristo.

Aw meg-aneng-aneng se otaw tepad te pegtoman din te medaet ibeg te pedowan din, detengan sikandin te kemetayun wedad temanan. Meneng aw meg-aneng-aneng se otaw tepad te pegtoman din te ibeg te Espiritu Santo, yan se otaw doen kaling pedowan wedad temanan, aw melinaw se pedowan din.

Meneng pengkey egdetengan kidon te kedita te kelimahan sìyan, ontò kidon domaeg, so meketayod kidon pineokit te tabang i Cristo gayed doen dakel pedowan kenitadon.

Pengkey egpemilangen kidon dini lanto te tanà, meneng aneng-aneng ko aw kinewaen tadon se kèpiyaan impetagad te Timanem kenitadon, kelibelan tadon se kelimahan sìyan

Pengkey eden se domateng kenitadon, netegahan tadon te gayed dakel se pedowan i Cristo kenitadon. Pengkey kelimahan kidon, aw mesamok kidon, aw pemilangen kidon, pengkey wedad kànen tadon, aw wedad penenaktun tadon, pengkey elegen kidon aw imetayan kidon, netegahan tadon te dakel se pedowan i Cristo kenitadon.

Netaga-taga se Timanem Amay aw eden se awop te pedowan tadon, aw netegahan din heman aw eden se aneng-aneng te Espiritu Santo, so egpemoyoen te Espiritu Santo diyà te Timanem se tabang din kenitadon menge sakop din lekat te kandin ibeg.

so se kedita te otaw egbeyà-beyaan te Espiritu Santo, yan se menge batà te Timanem.

Aw egbeyà-beyaan se otaw te medaet ibeg te pedowan din, gayed sikandin eg-aneng-aneng tepad te pegtoman din te medaet ibeg din. Meneng aw egbeyà-beyaan te Espiritu Santo se otaw, gayed sikandin eg-aneng-aneng tepad te pegtoman din te ibeg te Espiritu Santo.

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

so Espiritu Santo se egpetaga-taga kenitadon te menge batà kidon den te Timanem. So batà kidon din, doen aldaw domateng aw kominawà kidon te kedita te kèpiyaan impetagad din kenitadon. Pengkey eden se ibegay din ki Cristo, yan heman se ibegay din kenitadon. Aw pemilangen kidon tandà te pegtaking tadon ki Cristo, ipelangkaw kidon heman doton te langit doma i Cristo.

Se otaw eg-aneng-aneng tepad te pegtoman din te medaet ibeg te pedowan din, yan se egpoon te Timanem, so kenà sikandin egtolò te impunù te Timanem. Eked sikandin peketolò te impunù te Timanem.

so egpeliman se kedita te ininang te Timanem te aldaw domateng aw ipekità din se kedita te menge batà din.

Te eked pa iyan ketoman, netegahan tadon te ontò egkelimahan se kedita te ininang te Timanem dini lanto te tanà lamig seini, iling te bayi agpet tebawan.