Popular Bible Verses from Roma 4

Share

Wedà sikandin pegdowa-dowa tepad te impakang te Timanem kandin te doen batà din tomebaw, meneng linobos din se pegpemenal din diyà te Timanem, aw induyun din se Timanem, so netegahan din te tomanen te Timanem se impakang din.

Doen kagi te Timanem ki Abraham insolat, “Inangen ko sikona kemonaan te medita pongan.” Yan ininang te Timanem si Abraham olo te kedita tadon egpemenal te Timanem iling te pegpemenal i Abraham kandin. Timanem se mekeantay te otaw lekat te nematay, aw mekebatog sikandin meg-inang te wedà pa palos inangi pineokit te kagi din.

Nematay si Jesus amon ipelowà kidon lekat te salà tadon. Inantay heman sikandin te Timanem lekat te nematay amon eneng-enengen din te metòlid kidon.

Pengkey iling te eked palos ketoman se impakang te Timanem ki Abraham, meneng nemenal sikandin. Migpeliman sikandin te aldaw te meinang sikandin kemonaan te medita pongan, so pinekangan sikandin te Timanem te doen batà din tomebaw aw megkedita se menge bowad-bowad din.

Yan olò otaw egpemenal se begayan te Timanem te impakang din. Ibegay din iyan kenitadon pineokit te tabang din amon metoman iyan ibegay diyà kenitadon timetondog ki Abraham. Kenà olò Judiyo egtolò te menge punù ingkeliwat i Moises se begayan te Timanem, meneng begayan din heman se kedita te otaw egpemenal kandin iling te pegpemenal i Abraham, so neinang si Abraham olo te kedita tadon egpemenal.

“Doen keluba te kedita te otaw aw pigwedad te Timanem se inang dan medaet, Aw inabat te Timanem se salà dan. Doen keluba te otaw aw gibowen te Timanem se lista te salà ininang din.”

Netegahan tadon iyan so doen kagi te Timanem insolat tepad kenyan, kagi din, “Nemenal si Abraham te Timanem, aw yan se doun te mig-aneng-aneng se Timanem te metòlid sikandin.”