Popular Bible Verses from Mat. 27

Share

Menge alas tris te meapon, timawal si Jesus te dakel se kagi din, kagi te Hebreo, “Eli, Eli, lama sabaktani?” Se kelebadan niyan, “E Timanem ko, nengà lay tinenanan a nikaw?”

Nayan, tigkan nelisì se kayad kidoen te tengà-tengà te dakel simbahan te Jerusalem. Nelisì iyan lekat diatas lamig diyà te ongan. Ontò miglinog, aw doen dedakel bato nelebak. Neowang se menge ilib linebengan te otaw nematay, aw medita se otaw sinakop te Timanem neantay lekat te nematay.

Penga niyan, todà timawal si Jesus te dakel se kagi din, aw penga niyan nematay.

Na, se menge sondalo aw kapitan migtonggò ki Jesus, nelemitan dan te pegkayong te linog, aw pegkekità dan te kepelahan neinang te pegkematay i Jesus. Minikagi dan heman, “Ontò Batà te Timanem se otaw sìyan.”

Nayan, pegkealas dosi te aldaw, migkengitngit se langit aw tanà lamig alas tris te meapon.

Mig-insà si Pilato, “Menonen ko si Jesus egtewalen niyo Misiyas?” Timaba se kedita dan, “Imetayi sikandin. Lensangi diyà te kros.” Mig-insà si Pilato, “Nengà lay? Eden lay se salà ininang din?” Meneng labi pa dakel se kagi dan aw migbelobansag dan, “Imetayi sikandin. Lensangi diyà te kros.”