Popular Bible Verses from Mat. 19

Share

Meneng timengteng si Jesus diyà kandan aw minikagi, “Pengkey eked pekelowà se otaw lekat te pelumun te Timanem, meneng wedad palos eked kebatog te Timanem.”

Yan kenà dowa se teleesawa, so neinang dan sebad. Nayan, so ininang dan te Timanem sebad, eked kepakay aw ipesoway dan te otaw.”

Timaba si Jesus, “Wedà niyo besi besahi se kagi te Timanem insolat. Peg-inang din te otaw gebii, sebad olò se meama ininang din aw sebad olò heman se bayi. Minikagi heman se Timanem, ‘Yan se doun te tomanan se meama te amay aw inay din, aw megsebad diyà te esawa din. Se didowa dan meinang sebad.’

Meneng minikagi si Jesus, “Ikà niyo egsagda kandan, so lomowan se Timanem diyà te otaw ontò somalig diyà kandin iling te pegsalig te mengisù diyà te amay aw inay dan.”

Meneng medita se otaw melangkaw songkani meinang ontò medanà doton te peglowan te Timanem. Medita heman se otaw medanà songkani, meneng meinang dan kwani melangkaw.”

Aw timanan se otaw te kedònan din, aw kedowa din, aw amay din, aw inay din, aw batà din, aw pawà din, amon megpesakop diyà kanak, kominawà sikandin te ontong ginatos pa meelagà diyà te tinenanan din, aw begayan heman sikandin te kaling pedowan wedad temanan.

Minikagi si Jesus, “Aw meibeg ka te ontò melobos se pedowan no diyà te Timanem, olì ka den aw beligyai se kedakel te kedònan no, aw begayi se kwarta no diyà te menge otaw nelimahan. Aw yan se inangen no, doen ontong kinewaen no doton te langit. Penga te pegpemegay no te kedakel niyan, likò ka dini aw taking ka kanak.”

Minikagi si Jesus, “Nepela a so mig-insà ka diyà kanak aw eden se mèpiya inangen nikaw. Sebad olò se ontò mèpiya, olò Timanem. Aw meibeg ka kominawà te kaling pedowan wedad temanan, keilangan tomolò ka te menge punù din ingkeliwat i Moises.”

Mikagi a den heman diyà kenyo te pengkey ontò melima se peg-okit te ayam-ayam kamilo diyà te awang te dagem, meneng labi pa melima se pegpesakop te otaw meyaman diyà te peglowan te Timanem.”

Mikagi a den diyà kenyo, aw somibwan se meama te esawa din wedà peglakad, aw todà mengognan, mekelakad sikandin.”

Minikagi si Jesus diyà te menge tinoledaan din, “Eneng-enengi niyo se kagi ko kenyo. Ontò melima se pegpesakop te otaw meyaman diyà te peglowan te Timanem.