Popular Bible Verses from Mat. 15

Share

Meneng se kagi lomowà lekat te bahà te otaw, lekat iyan te pedowan din, aw yan se doun te egpekesalà se otaw. Pedowan se kelekatan te medaet ibeg te otaw egbonò, aw eglakad, aw egpenakaw, aw egkebolalaw, aw egbaet-baet.

Kenà egpekesalà se otaw pineokit te iawop din diyà te bahà din. Meneng egpekesalà se otaw pineokit te lomowà lekat te bahà din.”

‘Pengkey eg-ikagi se otaw sìyan te egtaking dan kanak, meneng wedà kelobos se pedowan dan diyà kanak. Wedad ontong te pegsimba dan kanak, so se ketanem te otaw ipegtoladà dan, yan se ininang dan punù te Timanem.’”

Penga niyan, minikagi si Jesus, “Tiyà, ontò ka simalig kanak. Tomanen ko den se ibeg nikaw.” Pegketà, negolian se batà din.

Nayan, migpedapag se bayi diyà ki Jesus, aw limongken diyà kandin, aw minikagi, “Sir, tebangi a bag.” Mig-indan si Jesus te tegdeyanan amon metaga-taga se bayi te olò menge Judiyo se tebangan din, kagi din, “Eked kepakay aw ebaten te otaw se kànen te menge batà din amon ibegay din diyà te menge toyang.” Minikagi se bayi, “Sir, benal iyan. Meneng mepakay aw komaen se toyang te momò medagdag lekat te lemisa te tig-apò.”