Popular Bible Verses from Ininang 20

Share

Yan se ininang ko amon ketegahan niyo te mèpiya aw measeb kidon megterbaho, amon meketabang kidon te menge doma otaw nelimahan. Ikà niyo egkelibel te inikagi te Pengolo si Jesus, ‘Pengkey meluba se otaw tebangan te doma, meneng labi pa meluba se otaw egpenabang te doma.’”

Meneng aneng-aneng ko, wedad beloyan aw imetayan a, so ibeg ko ipengahen ko olò se eg-inangen ko. Meluba a aw mebatog ko tomanen se insogò i Jesus kanak, so insogò a din megtoladà te Mèpiya Indan tepad te tabang te Timanem kenitadon.

Pekeimanday kaw. Pegtonggò kaw te kedita te otaw egpemenal, so Espiritu Santo se miggulal kenyo egpengibing amon mengibing kaw kandan. Ininang kidon din sakop din pineokit te pegkematay i Jesus.

Ibeg ko, Timanem se megtonggò kenyo. Ibeg ko, tomolò kaw te kagi te Timanem, so mèpiya iyan aw meketabang kenyo. Aw tomolò kaw te kagi din, begayan kaw din heman te ibegay din diyà te kedita te sakop din.