Popular Bible Verses from 1 Korinto 10

Share

Se tandà neokitan niyo, onawa iyan te tandà egkeokitan te menge doma otaw. Meneng egkeseligan se Timanem, so eked kaw din peokiti te tandà i Satanas eked niyo kebatog. Aw tendaen kaw, doen dalan inangen te Timanem amon mekelowà kaw, aw begayan kaw din heman te eneg amon meketayod kaw kenyan.

Nayan, pengkey eden se inangen tadon, pengkey komaen kidon, aw pengkey minem kidon, keilangan iduyun tadon se Timanem pineokit te kedita te inangen tadon.

Yan aw doen otaw eg-aneng-aneng te mèpiya se eg-inangen din, yan se otaw keilangan megpekeahà amon eked sikandin keboyo i Satanas megpekesalà.

Pengkey mepakay aw inangen ko se kedita mepakay diyà te Timanem, meneng eked a, so wedad ontong te kedita niyan. Pengkey doen mepakay tadon inangen, meneng eked tadon iyan inangi, so eked tadon ketebangi se menge doma otaw egpemenal.

Pengkey eden se inangen te otaw, kolang se tod din aw olò sikandin se mekeontong, meneng keilangan mekeontong heman se doma otaw.