Popular Bible Verses from Ñwaè' Taitoès 3

Share

À ka' ba mbe nfè' mò', Nyʉ̀ ce e yu yìsèe ŋwɛ̀ rjà' à duŋshì sèe yi ŋgěe bòŋboŋ ba li rkòŋnì, a ja' sèe. E m jà' sèe njo' buu bbòŋboŋ mo' ce sèe à m gèe ka'. À m ba njo' yì ŋkoosimnse. E m sù'si visèe mntee vi ba brara, a fa sèe ryǒŋ rfi, yi yʉ' yi gee sèe à ba běe bfi. À ka' ba njo' yuu ce Jisòs Krǎis ce e yu yìsèe ŋwɛ̀ rjà' à m gèe, e fa sèe yi yʉ' sê, tɛ sèe bo ba byɛɛnì à bsii Nyʉ̀ njo' yi ŋgěe bòŋboŋ, lò koni ryòŋ ce nfesè ce sèe ce kè' nà.

Kuushi bèe enɛ wowèe a yu'ni nè bèe ce a ce sa' wowèe ba bèe ce a yu btu mnta' nè wowèe. Wowèe a yu'ni nè bèe ca ker tami nyor à rgèe njɛ̀ɛ rfà' ce li ka' ba yɛɛnì. Wowèe a fa làa yuu bebep àmbò ŋwɛ̀ mò' ka, borni mlap, gee buu nè rbonì-ŋwɛ̀, ba mʉfɛ̀ɛ à yap ŋgèe nè bèe wɛɛwɛ, à nfè' wɛɛwɛ.

Fa sɛr mnsɛr blʉr ka'. Fa càasi nfè' à rbè' bràrà bèe ce a m kweŋger ka', fa ba ŋwɛ̀ mlap ka', fa ce sɛr mnsɛr àmbò mncir ce Nyʉ̀ à m fa nè Musìs nà ka'. Njɛ̀ɛ buu ca yu buu bcicì, sɛ' à ba njo ka'.

Ŋwɛ̀ à ka' sɛr yuu ce à ce yɛ'ni, à cep ye. E ka' tɛ yu' ka' à ker cep ye. Wɛ̀ ka' cep ye nfè' baa e ke' yu' ka', à fa tʉr yuu mo' à rgèe wèe ye ka'.