Popular Bible Verses from Ñwaè' Ruêm 12

Share

Fa bè'ni nè buu ce bèe enjep ŋgòŋ na a ce gèe ka'. Mà'shi nè tɛ Nyʉ̀ kupse me mkwà'shì tɛ wèe bo gèe ŋgěe fi. Wèe à ka' gee wa'a, wèe riŋ yuu ce Nyʉ̀ kòŋ. Wèe be rìŋ yuu ce yi yu bòŋboŋ, à ba yuu ce Nyʉ̀ ce yu' rbòŋ àgho, a ba yɛɛnì.

Bfʉr wâ, yi ka' ba wa'a, àmbò Nyʉ̀ à koosimnse nè sèe na, m ce bu' mmbo nè wèe enɛ wèe fa wêe mnyor nè Nyʉ̀ àmbò buu taŋshì ce vi yu btèe, a ba brara, Nyʉ̀ à ce yu' rbòŋ àgho. A njɛ̀ɛ njǐ yɛɛnì ce ŋwɛ̀ à ba loo nè Nyʉ̀.

Lɛ̀ nè mmir mbendù buu ce Nyʉ̀ à kà' nè wèe, ce lu'shi. Tɛɛ nè tatap à nfè' ŋgɛ', ce loo nè Nyʉ̀, ke' ce sɛ ka'.

Fa mà'shi tɛ yuu bebep yi so wɛ̀ ka'; so yuu bebep nè yuu bòŋboŋ.

Wèe koŋni àmbò bfʉr. Wèe naa bèe mò' mbekì caa àmbò wèe ce nàa wee btu.

Kòŋ nè bèe nè mini-ŋwɛ̀, baa yuu bebep, koŋ ba yuu bòŋboŋ.

Gèe nè yuu wɛɛwɛ ce àde' wèe gêe, tɛ wèe bo cu nè rfʉtè-ŋwɛ̀ wèe bèe wɛɛwɛ.

Bkar wâ, ŋwɛ̀ fa kʉsi mcucu' ka', mà'shi yì anà ba nè rshentee Nyʉ̀. A saŋ mbe Ŋwǎ' Nyʉ̀ enɛ̂, “Ŋwɛ̀ ce e be kʉsi mcucu' yu mɛ̀. M be là' wowèe. Cena ce làa Tata Nyʉ̀.”

Fa koosi nè bbor ka', fà' nè tatap. Fà' nè nè Tata Nyʉ̀ nè ye ntee-ŋwɛ̀.

À ka' ba njobè' ŋger ce Nyʉ̀ à fa nè mɛ̀ njo' yi ntee bòŋboŋ, m ce làa nè wèe wɛɛwɛ enɛ ŋwɛ̀ fa kwà'shi àmbò yi tu, càa embe dì' ce e ba kwà'shi ka'. Kwà'shi àmbò yo tu ba à njǐ yɛɛnì. Ŋwɛ̀ wɛɛwɛ ku kwa'shi àmbò yi tu ba àndèe rbyemì ce Nyʉ̀ à fa ye.

Fa kʉsi nè yuu bebep nè yuu bebep ka'. Ghèter nè gee ba buu ce vi be ba yɛɛnì à bsii bèe wɛɛwɛ.

Cu nè nè rfʉtè-ŋwɛ̀ wèe bèe wɛɛwɛ. Fa nàa nè tu ka', koo nè bkar wèe bèe ce a lòr wap mnyor njep nshè. Fa kwà'shi nè enɛ wèe yu ŋgǎa bfee ka'.

Wèe gee ba àmbò a saŋ mbe Ŋwǎ' Nyʉ̀. A saŋ mbo enɛ̂, “Njè à ka' ce yaŋ ŋwɛ̀ ce e bàa wɛ̀, à fa ye byee. Ntee yi ka' yuushi ye, à fa ye yuu tɛ e no. Wɛ̀ ka' gee wa'a, banɛ wɛ̀ cù' mcùŋ mor mbe yě tu.”

Loo nè enɛ Nyʉ̀ ghoni bèe ce a ce fa wèe ŋgɛ'. Fa loo nè enɛ ndòo co' wowèe ka', loo nè ba enɛ Nyʉ̀ ghoni wowèe. Lu'shi nè wèe bèe ce a ce lu'shi, koosimnse wèe bèe ce a ce koosimnse.

Ŋwɛ̀ Nyʉ̀ à ka' buu yuu, wèe tʉr yuu anà, wèe fa ye. Koni nè bèe ce a niŋ wèe, gɛ' nè wowèe bòŋboŋ.

Nyor ku ba mò'sir, a tʉr mŋgʉ̀' nyor jɛɛ jɛ̀ɛ jɛɛ, ŋgʉ̀' nyor wɛɛwɛ à tʉr li rfà'. Yi ku ba nè sèe wa' foŋ. Ka' sèe yu àŋgoo wa'a, sèe ku ba nyor mò'sir njobè' sèe Krǎis wèe yu àbee. Yi ka' ba enɛ sèe yu nyor mò'sir, banɛ ŋgʉ̀' nyor mò' yu nè yi tu ka'.