Popular Bible Verses from Ñwaè' Maêk 14

Share

E loo enɛ̂, “Yà tâ, àde' à gee buu wɛɛwɛ. Gèe tɛ ndoŋ ŋgɛ' ca caa embe mɛ̌ tù. Geewa'a, ke' ba enɛ à gee ba àmbò m ce kòŋ ka', gèe ba àmbò wɛ̀ kòŋ.”

Kè'se nè ce loo fà dì' wèe gwe rmòoshì ka'. Ntee njep rbʉ̀, bsɛ̀ nje nyòr.”

M ce suŋ wèe nè mini-ŋwɛ̀ enɛ fàdì' wɛɛwɛ ce a ka' ce fè'shi Nsuŋ Mbòŋmboŋ njep ŋgòŋ na, a be suŋ yuu ce njeŋwɛ̀ ca à m gèe nà, kèr ce kuushi ye.”

E làa nè wowèe enɛ̂, “Ŋkoosimnse ce e yu njep mɛ̌ ntee yu yì ce àde' e ku yʉ mɛ̀. Cu nè mbena ce ke'nî.”

Àmbò wowèe a m ce yeŋger anà, e lor brɛ̌d a yoŋshi Nyʉ̀, a bɛ'shi, a fa nè wowèe, a laa enɛ̂, “Kò nè. Ca yu yà nyor.”

E lor ndoŋ, a ka' yòŋshi Nyʉ̀, a fa nè wowèe, wowèe wɛɛwɛ a nô. E laa nè wowèe enɛ̂, “Cena yu wa blɛɛ ce vi kur lě' fi ce vi be fʉʉ, sùu àtu bèe magòr.

A ka' bà', Jisòs à laa nè wowèe enɛ̂, “Wèe wɛɛwɛ be lò caŋse mà' mɛ̀ àmbò Ŋwǎ' Nyʉ̀ yi làa. Yi làa enɛ̂, ‘M be lìp ŋwɛ̀ ncìŋ njèe tɛ njèe yi da'se.’

Lò nè mbekì tɛ sèe dû. Ŋwɛ̀ ce e fyèni mɛ̀ nà yu àtʉtʉ.”

Jisòs à laa nè Pità enɛ̂, “M ce suŋ wɛ̀ nè mini-ŋwɛ̀ enɛ tɛ nduŋgʉp ka' toŋ nètʉ' e ntìni nfè' baa, à be kani ŋkàrà' taar enɛ à rìŋ mɛ̀ ka'.”