Popular Bible Verses from BAROMA 6

Share

Gobane moputso wa sebe ke lehu; mme neo ya kgaugelo ya Modimo ke bophelo bjo bo sa felego ka Jesu Kriste mong a rena.

Gobane sebe se ka se le laole, ka ge Le se ba go bušwa ke Molao, le bušwa ke kgaugelo.

Gomme re fihlilwe le yena lebitleng ka go kolobetšwa lehung la gagwe, gore, boka Kriste ge a tsošitšwe bahung ka letago la Tatagwe, le rena re phele bophelo e le bjo bofsa.

Le gona le se ke la gafela ditho tša lena sebeng, ya ba marumo a bokgopo. Ineeleng Modimo, le le batsogalehung, le phela, ditho tša lena le di gafetše Modimo ya ba marumo a toko.

Ka ge re tseba gore mothomotala wa rena o bapotšwe le yena sefapanong, ya ba go fediša mmele wa sebe, gore re se hlwe re hlankela sona sebe.

Le lena, thoko ya dibe le itire bahu; le phelele Modimo ka Jesu Kriste Mong a rena.

Re ka reng bjale? A re ka fo gomarela sebe, gore kgaugelo e be e tletšego? A go se be bjalo! Rena ba re hwilego ka thoko ya dibe, re sa tlo phela bjang sebeng?

A ga le tsebe gore yo le ineelago yena la mo kwa, le balata ba yenaeo le mo kwago. Le ka ba balata ba sebe, mme sa le iša lehung. Le ka ba ba go kwa Modimo, mme la išwa tokong.

Modimo a a lebogwe, ge lena le bego le le balata, le le ba ba kwago ka dipelo mohuta wo wa thuto ye Modimo a le gafetšego go yona, le ba ba hunolotšwego sebeng; le balata ba toko.