Popular Bible Verses from BAROMA 14

Share

Gobane mmušo wa Modimo ga se go ja le go nwa, ke toko le khutšo le thabo ka Moyamokgethwa. E a direlago Kriste a na le tšona tšeo, o kgahla Modimo, o botwa ke batho.

Ge re phela re phelela Morena; ge re ehwa re hwela Morena. Re ba Morena ge re phela; le ge re ehwa re ba gagwe.

Ke gona a re phegeleleng tše re kago khutšišana ra agišana ka tšona.

Ke gona, a re se hlweng re ahlolana; go kaone ge le ka ahlola la re: motho a se ke a kgopiša ngwanabo a mo uša.

Gobane go ngwadilwe gwa thwe: Ke enne ka nna ke phelago, ka re: matolo ka moka a tlo nkhunamela. O realo Morena. Maleme ka moka a tlo tumiša Modimo. Sedio ge, motho mang le mang wa rena o tlo iphetolela pele ga Modimo.

Mofokodi tumelong le mo amogeleng, e se gore le tšee kgang ka diila.

Wena o mang ge o itira moahlodi wa molata wa e mong? Ge a ema o emela mong wa gagwe; ge a ewa o wela mong wa gagwe; gomme o tlo ema gobane mong wa gagwe o na le maatla a go mo emiša.