Popular Bible Verses from BAROMA 12

Share

Le se ke la ipapetša le ba mehla yeno; šatogang ka go mpshafala kgopolo, gore le tle le hlaologanye se e lego thato ya Modimo, e lego se botse le se se kgahlišago, se e lego sa botlalo.

Bjale lena bana bešo, ke a le rapela ka go bona mabobo a Modimo, ke re: Tlišang mebele ya lena, e be sedimo se se phelago, se sekgethwa, sa go kgahla Modimo; e be gona go direla Modimo ka mo go swanetšego.

Thabang kholofelong; kgotlelelang tlaišegong; tiišang thapelo.

Se fenywe ke bobe; bobe bo fenye ka bolo.

Go ratana seng sa lena e be kwano ya dipelo; le rakene pele ka go godišana.

Lerato le se ke la ikgantšha; le be ba ba hloilego bobe, le gomarele bolo.

Ge go kgonega ka thoko ya lena, le phedišane gabotse le batho ka moka.

Baratwa baka! Le se ke la itefeletša; šuthelang bogale bja Modimo; gobane go ngwadilwe gwa thwe: Tefetšo ke ya ka, le kotlo ke yaka, o ryalo Morena.

Mafolofolo a a ye le go se fele pelo; phišego a e be ya Moyeng; le hlankele Morena.

Gobane, ge ke bona kgaugelo ye e ntiregetšego, ke botša lena bohle ke re: Go se ke gwa ba le e a itshemago a fetiša moo go mo swanetšego. Itshemeng ka go ya ka kelelo; mang le mang a ye ka mo Modimo a mo lekanyeditšego tumelo.

Le se ke la itira babatabohlale. Le se ke la lefetša motho bobe ka bobe. A batho bohle ba le bone le le ba go bata bolo.

Le be ba pelotee seng sa lena; le se ke la nyaka tša bogolo; le tlwaelane le babotlana.

Ke gona, naba la gago le na le tlala, le fe dijo, le nyorilwe, le fe meetse le nwe. Ke mo o tlogo gokolela magala mo hlogong ya lona.

Ba ba le tlaišago le ba šegofatše. Le šegofatše, le se ke la roga. Thabang le ba ba thabilego; le lle le ba ba llago.

Bakgethwa ge ba hloka le ba kwele bohloko; go setša baeti e be mokgwa wa lena.

Gobane re etša mmele o nago le ditho tše ntši e le mmele o tee, mme ditho di se na modiro o tee ka moka ga tšona. Re mmele o tee ka Kriste, gomme seng sa rena e mongwe ke setho sa e mongwe.