Popular Bible Verses from MATEO 5

Share

Le gona motho ga a gotetše lebone a le ribegetša ka seroto. Lebone ba le hloma sehlomong sa lona, la tsebo bonegela bohle ba ngwakong. Le sa lena seetša a se bonegele batho ka mokgwa woo, gore ba bone mediro e mebotse ya lena, ba tumiše Tata weno wa magodimong.

Lena le seetša sa lefase. Motse wa thabeng ga o kgone go utama.

Ba lehlogonolo ke ba pelotshekegi, gobane bonabao ba tlo bona Modimo.

Ba lehlogonolo ke ba tlala ya gore ba loke, ba ba nyoretšwego gona, gobane bonabao ba tlo horišwa.

Ge e le nna ke botša lena ke re: Ratang manaba a lena; ba ba le rogago le ba šegofatše; ba ba le hloyago le ba setše, ba ba le pharago le ba le hlomarago le ba rapelele.

Ba lehlogonolo ke ba ba humanegilego mo moyeng, gobane bonabao mmušo wa magodimo ke wa bona.

Ba lehlogonolo ke badirakhutšo, gobane bonabao ba tlo bitšwa bana ba Modimo.

Ba lehlogonolo ke ba ba nyamilego, gobane bonabao ba tlo homotšwa.

Ba lehlogonolo ke ba ba tlaišetšwago toko, gobane mmušo wa magodimo ke wa bonabao.

Ba lehlogonolo ke bagaugedi, gobane bonabao ba tlo gaugelwa.

Ba lehlogonolo ke bolena, ge ba le roga, ba le tlaiša, ba le phara ka bobe ka moka ka maaka ka baka la ka. Thabang le hlalale, gobane moputso wa lena ke o mogolo magodimong. Hleng le baporofeta ba le etilego pele, ba ba tlaišitše ka mokgwa woo.

Ba lehlogonolo ke ba boleta, gobane bonabao ba tlo tšea lefase ya ba kabelo ya bona.

Lena le letswai la lefase. Bjale ge letswai le tapa le sa tlo nokwa kang? Ga le sa hola selo, ge e se go lahlwa la gatwa ke batho.

Bjalo bang babolokatlalo, bjalo ka Tataweno wa magodimong e le Yobolokatlalo.

Mo go ya lena polelo “E” e be “E”, “Aowa” e be “Aowa”; se se eketšwago se tšwa bobeng.

Le kwele ge go thwe: Leihlo le lefya ka leihlo; leino le lefya ka leino. Ge e le nna ke botša lena ke re: Le se ke la ganela bobe. Ge motho a go phasola thama ya go le letona, o mo sekegele le e nngwe.

Ke gonagee ge o kgopišwa ke leihlo la gago la le letona, le gonye o le lahle; gobane se se tlo go go hola, ke ge se sengwe sa ditho tša gago se senyega, gore mmele wa gago ka moka o se tlo lahlelwa moleteng wa mollo. Ge o kgopišwa ke seatla sa gago sa le letona, se ripe o se lahle kgole, gobane se tlo go go hola ke ge se sengwe sa ditho tša gago se senyega, gore mmele wa gago ka moka o se tlo lahlelwa moleteng wa mollo.