Popular Bible Verses from MATEO 18

Share

Gobane mo ba babedi le ge e le ba bararo ba kago phuthega ka leina la ka, nna ke tlo ba gare ga bona.

Le gona ke le botša ke re: Ge ba babedi ba lena mono lefaseng ba ka kwana tabeng e fe le e fe ye ba ratago go e kgopela, ba tlo fiwa ke Tate wa magodimong.

Jesu a bitša ngwana, a mmea mo gare ga bona, A re: Ruri, ke a le botša, ge le sa fetoge la ba bjalo ka bana, le ka se ke la tsena mmušong wa legodimo.

Gomme e mogolo mmušong wa magodimo ke mang le mang e a ikokobetšago a ba bjalo ka ngwana yo.

Mme e a amogelago ngwana o tee e a etšago yo, a direla ina la ka, o amogela nna.

Ruri, ke a le botša, tšohle tše le tlo go di tlema mono lefaseng, di tlo tlengwa le kwa magodimong le tše le tlo go di hunolla lefaseng, di tlo hunollwa le kwa legodimong.

Le Tate wa magodimong o tlo le dira ka mokgwa woo ge le sa lebalele, ge motho a sa lebalele ngwanabo ditšhito tša gagwe ka pelo.

Gomme, e a kgopišago e mongwe wa ba banyenyane ba, go ka ba kaone lwala la go šila ge le ka tlemelwa molaleng wa gagwe, mme a tekesetšwa bodibeng bja lewatle.

Le reng ge motho a na le dinku tše lekgolo, mme gwa timela e tee ya tšona, a a ka se tlogele tše masome a senyane le metšo e senyane dithabeng, a ya go tsoma yeo e timetšego?