Popular Bible Verses from JESAYA 9

Share

Mmušo wo ke wa kenelo, wa khutšo ye e sa felego mo sedulong sa Dafida le mmušong wa gagwe, ke wa go tlo tia, le wa go thekgwa ka molao le ka toko bjale le mehleng ya neng le neng. Tšeo di tlo dirwa ke go pelofala ga Morena wa mašaba.

Setšhaba o se atišitše; lethabo la sona o le godišitše; ba thaba pele ga gago bjalo ka ge go thabja punong, bjalo ka ge go hlalalwa ge go abaganywa dithebola.

Mong a bohle o rometše lentšu go Jakobo, la fihlela Isiraele.

Gobane re tswaletšwe ngwana, re neilwe morwa, yo pušo e lego legetleng la gagwe. Leina la gagwe ke: Matete, Moeletši, Modimo yo maatla, Tate wa go sa felego, Kgoši ya kagišo.

Setšhaba se se sepelago leswiswing se bona seetša se segolo. Ba ba dutšego moriting wat lehu ba hlabelwa ke seetša.

Gobane o robile joko ye e bego e ba imela, le kgati e bego e tia magetla a bona, le lepara la bagapeletši ba bona; o di robile boka mohla wola wa Midiane.

Gobane dieta ka moka tša go rotoba tlhabanong, le diaparo tše di thankgetšego madi, e tlo ba tša go fišwa, di lewe ke mollo.