Popular Bible Verses from JESAYA 62

Share

O ka se hlwe o bitšwa sešuana, mme naga ya gago ba ka se hlwe ba e re ke marope; ba tlo re o Monkgahli; naga ya gago ba tlo re ke Monyalwa; gobane Morena o tlo go thabela, mme naga ya gago e tlo ba le mong wa yona.

Hee Jerusalema, merakong ya gago ke beile bahlapetši ba ba ka se kego ba homola mosegare le bošego. Hee lena baeletši ba Morena, le se ke la homola. A se ke a ba a kwa le homotše, a be a age Jerusalema, a be a go dire motse wa go retwa lefaseng.

O tlo ba mphapahlogo wa bothakga atleng tša Morena, le seala sa bogoši sa go swarwa ke Modimo wa gago.

Yena e a go agilego o tlo go tšea boka lesogana le tšea kgarebe. Modimo wa gago o tlo go thabela bjalo ka monyadi ge a thabela monyalwa.