Popular Bible Verses from JESAYA 60

Share

Tsoga o bonege, gobane seetša sa gago se etla, mme letago la Morena le hlaba godimo ga gago.

Bantle ba tlo tla seetšeng sa gago, le dikgoši di tlo tlela etša sa masa a gago.

Gobane šeleo leswiswi le khurumeditše lefase, boso bo thibile ditšhabeng; gomme wena, seetša se go hlabelago ke yena Morena; go bonala letago la gagwe godimo ga gago.

E monyenyane o tlo tšwa ba sekete; mme mmotlana o tlo tšwa tšhaba se maatla. Ke nna Morena e ke tlogo dira tšeo ka pela lebakeng la gona.

Letšatši le ka se hlwe le eba sona seetša sa gago mosegare, le ngwedi e ka se hlwe e eba gona go bonega. E a tlogo ba seedi sa gago sa neng le neng ke yena Morena; yena Modimo wa gago e tlo ba yena letago la gago.

Letšatši la gago le ka se sa dikela; ngwedi wa gago ga o sa tlo hwa; gobane seetša sa gago sa neng le neng e tlo ba yena Morena; gobane matšatši a dillo tša gago a tlo ba a fetile.

Bjale o tlo taga sefahlogo, pelo yago e tlo binabina, e tlo kgarologa ge menono ya lewatle e go tlela, ge mahumo a ditšhaba a etla go wena.

Takataketša mahlo o gadie; ka moka ga bona ba a kgobokana, ba tla go wena; barwa ba gago ba tla ba etšwa kgole, barwedi ba gago ba kukilwe ka mabogo.

Ke mo setšhaba sago e tlogo ba sa baloki fela, mme naga e tlo ba ya bona go ya go ile, e le bona dihlare tše nna ke di šemilego, e le bona babopša ba diatla tša ka ba ba nthetišago.

Mo nageng ya gago go ka se hlwe go kwala tša sehlogo; le tša tšhwalalanyo le go thubja di ka se hlwe di kwala mellwaneng ya gago. Merako ya gago ba tla re ke bophologelo; dikgoro tša gago ba tla re ke tša ditheto.

Dikgoro tša gago di tlo dula di ahlame; di ka se tswalelwe mosegare le bošego, gore go wena go tlišwe menono ya ditšhaba, le dikgoši tša tšona di orošwe gona.

Makoko a dikamela a tlo go khurumetša, dikamela tša lebelo tša kua Midiane le tša Efa; ka moka ga bona ba tla ba etšwa Saba, ba tliša tshipi e khwibidu le dibano, ba tliša foko le monate la theto ya Morena.

Merako ya gago e agwa ke bana ba bantle; mme dikgoši tša bona di a go hlankela. Gobane ke go otlile mola ke befetšwe; bjale se ke se ratago ke go go šokelwa.

Tšela tša ge o lahlilwe o hloilwe, go sa tle motho go wena, bakeng sa tšona ke go dira wa letago le le sa felego, wa go tlo thabelwa ke ba neng le neng.

O tlo anywa tswele la ditšhaba, matswele a bahumagadi, wa tlo tseba ge Mophološi wago le Monamoledi wago e le nna Morena Mogale wa Jakobo.