Popular Bible Verses from JESAYA 6

Share

Ka kwa lentšu la yena mong a bohle le re: Ke tlo roma mang? Ke mang a tlogo re ela? Nna ka re: Ke nna e nthome!

Ba goeletšana ba re: Mokgethwa, Mokgethwa, Mokgethwa, ke Morena wa mašaba. Naga tšohle di tletše letago la gagwe!

Nna ka re: Joo nna! Ke a felela, ka ge ke le motho wa melomo ya ditšhila, ke dutše le setšhaba sa melomo ya ditšhila, gomme mahlo a ka a bone Kgoši Morena wa mašaba!

Ka ngwaga wo kgoši Usia a hwilego ka wona, ka na ka bona Morena a dutše sedulong se se rotobetšego, se phagamilego, morumo wa seaparo sa gagwe wa tlala Ntlokgethwa.

A kgwathiša molomo wa ka ka lona, a re: Bjale ge le kgwathišitše melomo ya gago, molato wa gago o tlogile, le dibe tša gago di lebaletšwe!

Barongwabatuki ba be ba eme ka tletlolo ga gagwe, bao ka o tee ba bego ba na le diphego tše di selelago; ka tše pedi ba ipipa difahlogo, ka tše pedi ba ikapeša maoto, ka tše pedi ba fofa.

Ke ge e mongwe wa Barongwabatuki a fofela go nna, a swere legala la mollo ka seatla, a le tšere ka letlao aletareng.

Yena a re: Sepela, o bolele le setšhaba se, o re: Go kwa le tlo kwa, mme le ka se hlaologanye; go bona le tlo bona gomme le ka se lemoge.

Retetša pelo tša setšhaba se, tsebe tša bona di thibane; o se foufatše mahlo, gore ba se hlwe ba bona ka mahlo, gore ba se hlwe ba bona ka mahlo a bona, mme ba se hlwe ba ekwa ka tsebe tša bona, ba se ke ba hlaloganya ka pelo tša bona, gore ba se ke ba sokologa ba fodišwa.