Popular Bible Verses from JESAYA 54

Share

Ka gobane ke nna Mohlodi wa morudi wa go ubela mollo wa magala, a rula lerumo sebopša sa gagwe; ka buša ke eba Mohlodi wa tše di le senyago, lerumo, le se dire selo.

Dithaba di ka tloga, le meboto e ka tekema; ge e le kgaugelo ya ka yona e ka se ke ya go tloga; mme kgwerano ya ka ya khutšo e ka se ke ya tekema!

Se boife, o ka se lewe ke dihlong; se tlale maseme, gobane o ka se šegamišwe; gobane nyatšego ya mola o sa le e mofsa o tlo e lebala; le tšhego ya mola o le mohlologadi o ka se hlwe o di gopola.

Gobane Mong wa gago ke yena Mmopi wa gago Morena wa mašaba; Molopolodi wago ke yena Mokgethwa wa Isiraele, ke eo ba rego ke yena Modimo wa lefase lohle.

Katološa lapa lago, hlaka ya ngwako wa gago e dire e kgolo e name, mathudi a ahlame, o tseme dikokwane.

Ka ruma merako ya gago ka ditalama, ka ruma mejako ya gago ka mabje a matsaka; mellwane ya gago yohle ke e thakga ka magakabje a bohlokwa.

Ke be ke go utetše sefahlogo sa ka ka lebakanyana la ge ke sa befetšwe. Bjale ke tlo go gaugela ka botho bjo bo sa felego. -- O realo Morena, Molopolodi wago.

Ke be ke go tlogetše ka lebakanyana fela; ke tlo buša ke go kgobela ka dikgaugelo tše kgolo.

Go nna taba ye e swana le yela ya mehla ya Noage, mola ke ena ka re: Meetsefula a Noage a ka se boele a tlela lefase. Bjale ke ena ke re: Nka se go galefele; nka se go kgalemele.

Wena sešuana seutlautlwa ke ditimo, se sešogo sa homotšwa! Ke nna ke tlogo go thea ka mabje a mabala a mabotse; ke tlo go thekga ka mabje a dipheta