Popular Bible Verses from JESAYA 51

Share

Ke nna ke le homotšago. O motho mang o boifa motho e a hwago, o boifa ngwanamotho mokamatlakala?

Mantšu a ka ke a bea molomong wa gago; ke go khutiša moriting wa seatla sa ka, gore ke ale legodimo, ke thee lefase, ke botše Tsione ke re: O sethšaba sa ka!

Kwang se ke se bolelago, lena batsebatoko, lena batho ba melao ya ka e lego pelong tša bona! Le se ke la šia go nyatšwa ke batho; le se ke la tšhoga ge ba nyefola.

Gobane Morena o homotša Tsione; o homotša le marope a gona ka moka. Mašoka a gona o tlo a dira Edene, lehanata la gona o tlo le dira tšhemo ya Morena, mo go tlogo hwetšwa tlhalalo le lethabo, le tebogo le medumo ya diletšo.

Baphološwa ba Morena ba tlo boa ba tla Tsione ka go hlalala, ba tšhepile hlogo ka lethabo le le sa felego, ba fihletše thabo le tlhalalo, nyamo le phegelo di fulere.