Popular Bible Verses from JESAYA 46

Share

Ke nna ke kwaditšego tša mafelo mola di sa thoma, di sešo tša direga. Ke nna ke boletšego ka re: Se ke se rerilego ga se šuthe; ke dira tšohle tše ke di ratago. Ke nna ke biditšego nong ya bohlabela; kua nageng ya kgole ke biditše monna e a tlogo phetha se ke se rerilego. Ke boletše; ke tlo di tliša. Ke rerile; ke tlo dira.

Le tlo ba la tšofala ke sa fela ke le yena e ke le kuka le le hlogo tše pududu. Ke nna ke di dirilego. Ke nna ke tlogo kuka; ke nna ke tlogo rwala ka phološa.

Gopolang tša kgale tša bogologolo, ge Modimo e le nna, go se yo mongwe. Ga go sa ne Modimo mo ke nna.

Kwang nna, le ba moloko wa Jakobo, lena mašalela ka moka a moloko wa Isiraele, lena ba le bego le nkimela le sešo la belegwa, ka le rwala le sa tšwa go tswalwa.