Popular Bible Verses from JESAYA 43

Share

Ke nna e! Ke dira tše mpsha, di šetše di tšwelela; a ga le di bone? Ruri, ke tlo thula tsela lešokeng le dinoka mo nageng e tshehla.

Ge o tsena gara meetse, ke tlo ba le wena; ge o sela dinoka, di ka se ke tša go tšea; ge o phatša mello, o ka se ke wa fsa, o ka se tlabolwe ke kgabo.

Lebalang tša kgale; le se šetše tše di fetilego.

Bjale yena Mmopi wa gago, wena Jakobo, e a go dirilego, wena Isiraele, o bolela o re: Se boife, gobane ke go lopolotše; ke go biditše ka leina la gago, o wa ka.

Ke hwetša o ratega, o le wa thekokgolo. Mme nna ke a go rata, ka ntšha batho le ditšhaba tša go rekolla bophelo bja gago.

Gobane nna Morena ke Modimo wa gago, nna Mokgethwa wa Isiraele, ke Mophološi wa gago. Ke ntšha naga ya Egipita le ya Kuše le ya Seba, ge ke rekolola wene.

Se boife, nna ke na nago; ba geno ke tlo ba tliša ba etšwa bohlabela; ke tlo ba kgobela ba etšwa bodikela.

Ke nna ke phomolago bokgelogi bja gago ke dira ka baka la ka, mme ke se hlwe ke gopola dibe tša gago.

Morena yena o re: Lena le dihlatse tša ka, le bahlanka ba ka ba ke ba hlaotšego gore le ntsebe, le lemoge gore ke nna, yo go sego modimo yo mongwe pele ga ka, yo go sa tlogo ba le e mongwe morago ga ka.

Morena ke nna ke nnoši; ga go Mophološi ge e se nna.

Le neng le neng ke nna yena e; ka swara, ga go monamoledi; ka dira, go ka nthibela mang?

Diphoofolo tša lešoka di tlo ntheta, le phukubje le mpšhe, gobane ke tšweletša meetse lešokeng, le dinoka mo nageng e tshehla, gore go nošwe setšhaba sa ka, bahlaolwa ba ka. Sona setšhaba se, se ke ipopetšego sona, se tlo mpolela ka direto.

Ke tlo re leboa ke re: Ba ntšhe! Ka ra borwa ke re: Se ba thibele! Tliša barwa ba ka ba tšwe moo kgole, le barwedi ba ka ba tšwe moo magomong a lefase, Bohle ba bitšwago ka leina la ka, ba ke ba hlodilego ka ithetiša ka bona, ba ke ba bopilego ka ba dira.

O realo Morena mothulatsela mawatleng mmulammila mo meetsengmagolo. Montšhamadira ka mokoloi le dipitsi le makoko a bagale. Ba tekotšwe bohle, ba ka se hlwe ba tsoga, ba kunyelela boka rumola se se timago.

Ke nna Morena Mokgethwa wa lena, Mohlola Isiraele; ke nna Kgoši ya lena.