Popular Bible Verses from JESAYA 35

Share

Balopololwa ba Morena ba tlo boa ba goroga Tsione ka go hlalala; dihlogong tša bona go tlo ba le lethabo le le sa felego. Ba tlo tlelwa ke go nyakalala le go thaba; mme mahlomola le phegelo di tlo ba di fulere.

Tiišang diatla tše di bego di rephile, matolo a go lokaloka a be le maatla. Ba pelo tše tshesanyane le ba botše le re: Tiišang! Se boifeng! So Modimo wa lena! Go tla tefetšo, moputso wa Modimo, yena o tlela go le phološa.

Gomme go tlo ba le mmila o lekelelanego, tsela ye ba tlogo re ke tselakgethwa, e sa sepelwego, ke wa tšhila; e tlo ba ya bona. E a e swerego, le ge e le lešilo, a ka se timele.

Ke mo go tlogo budullwa mahlo a difofu, gwa thibollwa tsebe tša difoa.

Ke mo digole di tlogo taboga boka tshepe, gwa tlo hlalala leme la semuma, gobane lešokeng go thulega diba tša meetse, mo lehanateng go tlo ela dinokana.