Popular Bible Verses from JESAYA 1

Share

Tlang ge, re sekišaneng! -- Go bolela Morena. -- Le ge dibe tša lena di hubetše bo-ka madi, di tlo šweufala wa leswela; le ge di hubetše wa letsoku, di tlo etša boya bja dinku.

Ge le rata, ge le ka kwa, le tlo ja menono ya lefase.

Ithuteng go dira tše di botse; nyakang moahlolelo wa go loka, le hlakodiše ba hlakago, le namolele dišuana; bahlologadi le ba lwele.

Fela, ge le gana, ge le nganga, le tlo lewa ke lerumo. Ruri, molomo wa Morena o boletše.

Hlapang, le tšwe ditšhila; mediro ya lena e mebe le e tloše pele gaka, bobe le bo lahle.

Ge le emiša, matsogo le mpitša, ke tla le gerula; le ge le ka atiša dithapelo, nka se ke ka le kwa; diatla tša lena di tletše madi.

Le se ke la hlwa le tliša dibego tša lefela; orelo tša lena ke bona e le tša makgapha; le menyanya ya lena ya kgwedi ge e dula, le disabatha, le diphuthego. Ga ke sa kgona go bona bobe bo hlakane le dithapelo.

Kgomo e tseba morui wa yona, pokolo e tseba legopo la mong wa yona. Ge e le Isiraele, yena ga a tsebe; setšhaba sa ka ga se lemoge.

Matšatši a lena a kgwedi ge e dula, le menyanya ya lena, ke di hloile, di a nkimela, mme di ntapišitše.