Popular Bible Verses from MMOLEDI 5

Share

Gobane diloro di tla ka boati bja dipelaelo; le lentšu la botlatla le tla ka boati bja polelo.

Gobane yena yo ga a atiše go gopola matšatši a bophelo bja gagwe, ka ge Modimo a mo abetše lethabo la pelo ya gagwe.

Mo menono e atago, go ata le ba e jago; mme beng ba yona ba holega kang, ge e se go e bona ka mahlo?

O se ke wa re, o le pele ga Modimo, wa hlaganela go bolela, pelo ya gago ya akgofa ya ntšha lentšu. Gobane Modimo o kua godimong, mme wena o mono faseng. Ke gona mantšu ago e se be a makae.

Go ena, wa lesa go phetha, go kaone ge o sa ene.

Se lese molomo wago wa diriša mmele wago sebe; o se tlo bolela le motseta wa re: Ke fošitše! O tlo ba o direlang go rumola Modimo ka puo ya gago? O tlo ba wa senya mediro ya atla tša gago.

Go na le bošula bjo bobe bjo ke bo bonego fa tlase ga letšatši, ke lehumo leo mong wa lona a le beetšego go itshenya ka lona.

Ke bjona bošula ruri, ge a tloga a swana le mola a etla; mme o holegile eng ka ditapišo tša gagwe?