Popular Bible Verses from Romu 12

Share

Ama mopafi avu'avazanena tagrora oteho. Hianagi tamagra atrenkeno antahintahitamia Anumzamo tmazeri kasefa nehanigeno, tamavutamava zamo'a ruzahe hino. Anama hanuta, tamage Anumzamofo avesizamo'a, knare huno haviza osuno, fatgo hu'ne huta eriama hugahaze.

E'ina hu'negu, nafu'naganaheta tamantahinegoe, Anumzamo asuragirmante'nea zanku nentahitma, tamagra'a asimu erino manineno, Anumzamofonte kre sramna viankna hutma amivareta tamavufa nemita, mani ruotge nehutma, Anumzamofo ragi amiho. E'i avamupima mono huzamofo tamavutmavare.

Fore hanigu hankave antahintahima hunemiza zankura musena nehuta, tusi'a knazama fore'ma hanigetma kazikazi huta nevutma nunamu huvava hiho.

Tamagra atrenkeno havi avu'avazamo'a tamazeri agate'oreno, hianagi knare tamavutamava hutma havi avu'avara agatereho.

Tamagra tamage hutma ovesinte avesinte nehuta, tamagra tamavufga anteneramitama, arumokizmi husga huzamanteho.

Tamage hutma vahe'mofona zmavesizmanteho. Kefo avu'avazana tamagena hunenteta, knare avu'avazana azeri hankavetiho.

Tamagrama ana hugahanutma, miko vahe'enena tmarimpa fru huta manigahaze.

Rone'nimota mago'mo haviza hurmantena nona'a huonteho, hagi Anumzamofo fatgo rimpa hezampi atrenkeno vino. Na'ankure avontafepina anage huno krentene, Nagra'a nona'a huzamantena mizana zamigahue huno, Ramo hu'ne. (Diu-Kas 32:35)

Tamavesra osutma hanavetitma eri'zana erinkeno, Avamumo'a tamazeri otina Ramofo eri'zana eriho.

Na'ankure Anumzamo'ma asunkuzama'areti asumaraginantenereti, maka motarega amanage nehue, tamagratmigura antahinkeno rana osenketa, vahe'mo'za nemaniza kante maniho. Tamagra'a tamavutamava refako hutma negeta, Anumzamo tamami'nea tamentintireti, tamagra ina avamente maninafi refko hutma keho.

Mago vahe'mo'ma havizama huramantena, ana nona'a haviza huonteho. Ana mikozama hanafina fatgo tamavutmava nehinke'za, miko vahe'mo'za tamageho.

Ovesinte avesinte huta magoke avamente maniho. Tamagra tamavufga erisaga osiho, hianagi agi omane vahe'ene manizanku tamavesino. Tamagra ana miko'zana antahi'none huta osiho.

Hianagi ha'ma rermantesaza vahe'moza zmagakuma hanageta, nezana zamiho. Tinku'ma zamavesina, tina zaminke'za neho. E'i ana huknazama hanazana, zamagrama nehaza zmavuzmava zankura zmagaze hugahaze. (Prov-Knr 25:21-22)

Knama tamisamokizmia asomu ke huzmanteho. Anumzamo'a asomu huramantesie nehutma, zmazeri haviza hanie hutma osiho. Musema hanaza vahe'enena muse nehuta, zavi'ma atesnaza vahe'enena zavira ateho.

Anumzamofo vahe'mo'zama mago'a zankuma atupa hanagetama, zmazama hanagura tro huta maniho. Onkenesnaza vahema esnageta nontamifi kehuta zamavrenteho.

Magoke tavufgafina tagiagi, tazanki tavurgagi tagonagi tagiki huno me'ne, hakare'aza me'neanagi e'i ana'maka zamo'za magoke eri'zana enorize. Tagri tavufgamo hu'neankna huta tagra rama'a vahe mani'nonanagi, tagra Kraisimpina magoke avufga mni'neta, ruzahu ruzahu avufga'a mani'none.