Popular Bible Verses from Revalesen-Hufo Hu'ne 3

Share

Keho, Nagra kafante oti'nena vagre vagre nehue. Iza'o Nagri nageru antahino, kafama anagisimofona, Nagra efre'na agrane nezana nesugeno, agra Nagrane negahie.

Mika tamavutmava hunazana ke'na antahina hu'noe. Tamagra amuho osutma, zasira osutma hunazanagi, Nagri'ma nave'ma nesiana, amuhoma hanamotma, amuho hinkeno, zasima hanamota, zasi hiho. Amuhone zasi'enena osutma, amunonte mni'nagu, Nagra nagipintira amu'ati tamatregahue.

Nagrama navesizmantoa nagamofona hanavetina, zmazeri fatgo nehu'na, zmavumarora nentoe. E'ina hu'negu knare tamavu'tmavama huzanku nentahitma, tamagu'a rukrehe huta fatgo huta maniho.

Nagra kavukvaka'a kagena antahina hu'noe, ko, kavuga kahana anaginte'noankino, mago vahemo'a erionkigahie. Na'ankure kagra osi'a hanaveka'a me'negenka, nanekeni'a amage nentenka, nagi'a eri frara oki'nane.

Iza'o ha'ma azeri agateresimofona, Nenfa trate'ma ha'ma azeri agaterena mni'noaza huno, ha'ma azeri agateresimofona, atresugeno Nagri trate magoka manigahu'e.

Na'ankure kagra anage hunka nehane, rama'aza ante'nena, tusi'a fenone vahe mani'noe hunka nehunka, mago'zankura upara osu'noe hunka nehananagi, kagrama havizantfama hunka, kasunku hugantega kante mni'nenka, kamunte omaneno, kavu asu higenka, kavufa kavapa mni'nanana kagra nonkane.

Na'ankure kagra kazigazi hunka, Nagri kea amage ante'nane. Ana hu'nanku ama mopafi miko vahe'mo'zama rehezampima ufresaza knafina, katresugenka rehezampina kagra uofregahane.

Nagra ame hu'na egahuanki, ko'ma eri'nana zana azeri kona huo, ana'ma osnanke'za rumo'za kini fetori ka'a erigahaze.

Hanki otinka, kagripima fri vgaregenoma osiazama me'neazamoma fri'zama nehiana, azeri hanavetio. Na'ankure kagrima kagoana, Nagri Anumzamofo avurera, fatgo kavukvara nosane.