Popular Bible Verses from Revalesen-Hufo Hu'ne 14

Share

Anante mago ageru monafinti arigena nentahugeno anage hu'ne, avona krento, Ramofompi mni'ne'za frinamo'za, menintetima agafa huno vaniana muse hugahaze! Ozo huno Avamumo'a hu'ne. Zamagrama mraguzati'za e'naza zana manifru hugahaze. Na'ankure zamagrama knare zmavu'zamavama hu'zama e'naza zmavuzmavamo'a, zamagrane magoka zamage zmavaririno ne-e.

Anumzamofo kasege amage'nenteza zamentintima Jisasinte nehaza vahe'mo'za amanahu hugahaze, akohe'za manine'za kazigazi hu'za knazana eneriza oti hanavetigahaze.

Ana nehuno ranke huno amanage hune, Anumzamofonku kore hunentetma ra agi amiho, Agrama vahema refkoma haniankna hago e'ne. Monane mopane hagerine, maka tinkampuima troma hu'nemofo monora hunteho hu'ne.

Anantera nampa 3 ankeromo'a, tare ankerofomo znamefi ne-eno anage huno ranke hu'ne, iza'o afi zgamofone, amema'arema mono hunenteno, azante'ene kokovitema avame'zama'a eri'nenimo'a, Anumzamofo tusi'a rimpahe knazamofo waini erihavia huno tagi avitenea kapufinti neneno, ana vahe'mo'a ruotge ankero vahe'ene, Sipisipi anentamofo avure, havere te kasinkasi nehia tevefi atazana erigahie. Ana afi zgare'ma mono hunente'za, amema'arema mono hunentesageno, iza'zo agri agimofo avame'zama'a erisi'amo'za, zmatazama erisaza tevemofo tokimo mreri vava nehina, hanine zgenena fru hu'za omnigahaze.

Anantera Sipisipi Anentamo'a Saioni agonare otinegeno, Agri agine, Nefa aginema kokovitema krente'neana 144 tauseni'a vahe'mo'za magoka oti'nazagena ke'noe.

Hagi anantera mago ankero kogeno monafi hareno enevuno, mevava knare musenkea mopafima mni'naza vahete ene, maka kumate'ene naga nofite'ene, zmagerute ene, vahete'ene huama hu'ne.

Anantera nampa 2 ankeromo kota ankeromofo amefi hareno ne-eno anage hu'ne, Babiloni tusi'a kumamo'a trakahu'ne, trakahu'ne, ana amo'a maka mopafi kumatamina, agra havi avu'avaza hanavetino hu avesizamofo waini tina zamige'za ne'naze.