Popular Bible Verses from Revalesen-Hufo Hu'ne 12

Share

Zamagra ana ne'mo'ma ha'ma huzmantea hara, Sipisipi anentamofo koranteti'ene agenke'ama huama hazareti agatenere'za, zamagra zmavufagura nontahi'za, zamagri'ma zmahe frizanku enena korera osu'naze.

Anante nentahugeno mago ra ageru monafinti runo anage hu'ne, menina vahe'ma ahoke aheno agu'vazizane, hanavene, tagri Anumzamofo kumamo'ene Agrama huhampri'ranteno tavaregahie hu'nea nemo'a, hago tusi'a hihamu eri'ne. Na'ankure tagri nerafukizmima hanine zgene, tagri Anumzamofo avure agra havige kegaga hunezmantea nera asgahu atregeno urami'ne.

Ana koranke osifavea asgahutregeno erami'neankino, ana ne'kura korapa mani'nea osifave nehu'za, hankrore nehu'za, Sata'ema nehaza ne'ma ama mika mopafi vahema rezmatgama nehia nera, asgafetregeno ankero naga'ane mopafi erami'naze.

Na'ankure ama ana agafare, monafinka mni'namota muse hiho. Hianagi mopane hagerimoka kva hi'o, na'ankure hankromo'a tanaagrite ko uramine, keno antahinoma hiana osi'agna me'negeno, tusi rimpa nehegeno uramine.

Hanki tusi'a ha' monafina fore hu'ne. Maikoli ene ankero naga'amo'za, osifavene ana osifavemofo ankero naga'a hara huzmante'naze.

Ana higeno ana tusi'a osifavemo'a ana a'mofona rimpa ahenenteno, maka mofavrenaga'amo'za Anumzamofo kasege amage nente'za, Jisasi avu'avazama nevaririza naga ha' huzmante'naku vu'ne. Ana agaza hunte osifavemo hagerinkenare otino mni'ne.

Mago ruzahukna huno tusi'a avame'za monafina efore higena kogeno, mago a'mo'a zgenu kukena hunegeno, ikamo'a agafi menegeno, asenifina 12fu'a hanafimo kini fetorikna huno asenire me'ne. Ana a'mo'a amu'ene huno mofavre kasenteza nehuno, ranke huno mofavre'za negegeno krafa hu'ne.

Anante ana a'mo ne'mofavre ksente'ne. Henka'a ana mofavremo nena huno maka vahera aeni azompareti kegva huzmantenia ne'kino, ana mofavre avreno Anumzamofonte vuno, Agri'a kini trate avreno ome antene. Anantera ana a'mo kore freno Anumzamo retro hunte'nea mopare ka'ma kopi umanine. Anantega ana ara kegva krinte'za nezana nemisageno, 1,260ti'a kna manigahie.

Anantera ru avame'za monafina efore higena kogeno, mago agaza hunte koranke osifavemofona, 7ni'a agenopa me'negeno, 10ni'a pazive hanatinegeno, aseniramintera 7ni'a kini fetori me'ne. Hanki risonamo'a tagufa kevu hanafi monafi me'nefinti, mago kevu hanafira mopafi ruharfi huzmatrene. Ana osifavemo, a'mo'ma mofavrema kasentenaku'ma nehia avuga otine. Anama hu'neana ana mofavre kasentenkeno aheno asga hunakrinaku otine.

Hianagi tusi'a tumpamofo agekonarere ana ara amigeno, ana a'mo'a hareno vahe omani kama mopafi, ana osifavea atreno, 3'a kafugi 6gisi'a ikampi agri kuma'ma retroma huntenerega umani'nenigeno kegva huntegahie. Hanki ana osifavemo'a, ana ara ti mreno vaniegu agipinti tina ruvaritregeno, tusi'a ti hageaza huno ana ara avaririne. Hianagi ana agaza hunte osifavemofo agipintima evu'nea rantina, mopamo ana ara aza huno, ana tina agira aka huno nakri vgare'ne.