Popular Bible Verses from Proveps-Knare Nomaniza 28

Share

Iza'o kumi'ama framakinimo'a, nomanizama'afina knarera osugahie. Hianagi kumi'ama hu ama nehuno, atreno arukrahe huno esimofona, Anumzamo'a asunku hunteno azeri so'e huntegahie.

Iza'o agra'a antahizanku'ma knare hu'neankina amne hugahuema hanimo'a, neginagi vahe kna nehie. Hianagi iza'o ama' antahizampima vanimo'a, knazana agateregahie.

Kefo zamavu zamava'ma nehazamokizmia, vahe'mo'za zamarotgo nosazanagi, kore nefraze. Hianagi fatgo zamavu'zamava'ma nehaza vahe'mo'za, laionimo nehiankna hu'za hanavetiza nemanize.

Maka knama Ra Anumzamofonku'ma koro hunteno agorgama mani vahe'mo'a, muse hugahie. Hianagi izano agu'amo'ma hanavema atisimo'a, hazenke erigahie.

Iza'o amunte omane vahe'ma amisimo'a, mago zankura upara osugahie. Hianagi iza'o ozamage vahe kna nehuno zamaza osanimo'a, rama'a kazusifi manigahie.

Vahe'ma azeri fatgo hunaku azeri koneria ne'mo'a, vahe'mofoma masavenkema huzamante nera agatereneankino, henka rama'a vahe'mo'za agrikuke hugahaze.