Popular Bible Verses from Proveps-Knare Nomaniza 16

Share

Mika'zama huku'ma hanana zana Ra Anumzamofo azampi antegeno, ana mika zama huku'ma antahintahima retro'ma hanana zamo'a, nena'a fore hugahie.

Ana hugahune huta antahintahia retro hugahunanagi, Ra Anumzamo Agrake makazama hanuna kana erinte fatgo hugahie.

So'e kema hu'zamo'a tumemofo rima'agna hu'neankino, vahe'mofo agu'amemofontera haga higeno, zaferinamofona azeri so'e nehie.

Vahe'mota e'ina hu'za hugahune huta antahintahia retro hugahunanagi, Ra Anumzamoke ana antahintahima retroma hanuntera, huvgare kea huntegahie.

Ame huno arimpa'gnama osu vahe'mo'a, himamu vahera agateregeno, iza'o rimpa he'zama azerirava nehimo'a, tusia kuma'ma ha'ma huno eri'nemofona agatenere.

Kavufga rahu zamo'a, kazeri haviza hugahie. Kagra kavufga husgama hu'zamo'a, kazeri tnafakofa hugahie.

Tagrama mika zama hunazamo'a knare hune huta tagesa antahigahunanagi, nanknahu tagu'tagesareti ana mika'zana nehune Ra Anumzamoke refako hugahie.

Iza'o avumro antesaza kema avaririsimo'a, hakare'zama hanifina knare hugahie. Ra Anumzamofontema amentinti'ma hanimofona, asomu huntegahie.

Fatgo manizane maninenka osi'a fenoma ante'snamo'a, havi kampinti rama'a fenoma ante'sana zana agaterene.

Mago'a vahe'mo'za knare kante nevune nahazanagi, anama nevaza kamofo atuparega friza me'ne.

Akrehe akrehe zmageru'ene vahe'mo'za, vahe'mokizmi amunompina kea erintage'za ha' fra nehaze. Vahe'mofo amefi agenke'ma huzamo knare arone'a, azeri netane.