Popular Bible Verses from Proveps-Knare Nomaniza 1

Share

Anumzamofonku kore hunteno agorga'a manizana, antahizama erizamofo agafa'a me'ne. Hu'neanagi neginagi vahe'mo'za knare antahi'zane avumro kegura amagena humigahie. Mofavre'nimoke, negfama kavumro kema hania kea amage nentenka, negrerama rempima hugamisia kea ha'ontagio.

Antahintahizmi omane vahe'mokizmia, neginagi zmavu'zmavamo zamahe nefrinkeno, knare hu'none hu'zama hanaza zamo, zamahe frigahie. Hianagi aza'o nagri kema antahisimo'a, hazenke e'ori knare huno nemnino, havizankura korora osu mani fru huno manigahie.

Knare antahintahima eri'nesimo'a, ama nanekea nentahinkeno rempi hunemina, mago'ane ama' antahizana e'nerinkeno, antahi amama hania ne'mo'a, avumro kea erigahie.

Mofavre'nimoke, kumi vahe'mo'za kefoza huogu kavazuma hanazana, ana kefozana osutfa huo.

Ama avontafera knare nomanizamofo ke Israeli vahe'mokizmi kini ne' Solomoni, Deviti nemofo krente'ne. Ama knare nomanizamofo ke'mo'a, knare antahi'za neramino, tavumro ante ke nerasmino, taza hinketa oku'ama me'nea kea keta antahita hugahune. Knare antahintahi neramino, tazeri fatgo nehanigeta, fatgo avu'ava nehuta, fatgo huta refko nehuta, maka vahe'mofona mago avamente knare avu'avara huzmantegahune. Hagi ama ana nanekemo'a, antahi'zama'a omane'nesia vahera knare antahintahi nezaminkeno, ne'mofara antahiza nezaminke'za knare hu'za maka zana refko hugahaze.

Ana hanige'za zamagra zmazama hanugura kezatigahazanagi, nagra kenona huozamigahue. Zamagra nagrikura hakre snazanagi, onagegahaze. Na'ankure zamagra, antahi'zama erizankura zamesra hunente'za, Ra Anumzamofona kore hunte zamagesa ontahi'naze.