Popular Bible Verses from Galesia 6

Share

E'ina hanigu knare avu'avama hu'zankura tavesra osanie. Tagrama hanavetita erizama erisuta, nezama kafi knazupa knare ne'za kafigahune.

E'ina hu'negu tagrama vahe'ma zmaza huga kankamuma fore'ma hanigetma, maka vahera knare tavutva hunezamita, Ramofonte'ma zamentintima nehaza nagara zamazahutfaza hugahaze.

Knazama oza aza hutma erinutma, Kraisi kasegea eri knare hugahaze.

Kagraka'a regavatga nehunka, Anumzamofona azeri haviza hu naneke huonto, nazano kagrama kri'nesana zana, kagraka'a kafigahane.

Na'ankure vahe'mo'ma agra'a havi avu'avazama kri'nenia zana, agra'a havi avu'avazana kafigahie. Hianagi iza'o Avamumofo avesiza avaririno kri'nenimo'a, Manivava asimu erigahie.

Nenafugta magotamimo'ma kumipima evuramisigeta, Ruotge Avamumofo nevaririsamota, ana kumapima evuramizankura tamagra'a kegva hu'netma, fru avu'avazampinti e'inahu vahera azeri fatgo hugahaze.

Na'ankure mago'mo'ma agima omnenenimo, nagi me'ne huno agesama antahisiana, agra'a revatga hugahie. Hianagi magoke magokemo'a agra'a eri'za rezagneno keso'e huteno, agrama e'nerisia erizankura agi'a erisaga haniazamo'a agafa'a megahie. Hanki rumoma enerisia erizantera, agra eri'zana erinteno rezagneno onkegahie. Na'ankure magoke magokemo'a agra'a eri'zamofonte knazama'a eritere hugahie.