Popular Bible Verses from Galesia 3

Share

Kasegemofo kazusifintira Kraisi'a mizaseranteno taza hu'neankino, ana kazusia Agra'a erino taza hu'ne. Na'ankure anage huno avontafepina krentene, maka vahe'mo'za keka zafare'ma hanti'nesamo'za kazusifi mani'naze hu'ne. (Diu-Kas 21:22, 23)

Hanki Jiu vahero Griki vahera omnita, kazokzo vahe'ene amne vahera omnita, veo aro omni'naze. Na'ankure tamagra maka'mota Kraisi Jisasimpina magoke mani'naze.

Hagi tamagrama Kraisi vahe'ma mni'nenuta, tamagra Abrahamu negehogata mni'neta, erisanti haregahazema huno Anumzamo huvempa hunte'nea vahera manigahaze.

E'ina hanunkeno Abrahamuma huhampritenea asomumo'a, Kraisi Jisasimpinti megia vahepina nevanigeta, tagra huvempa hu'nea Avamura tamentinti hanuta erigahune.

Hagi mago vahe'mo'e huno kasegema amage'ma antezampintira Anumzamofo avufina fatgo vahera omnigahie. Na'ankure fatgo vahera zamentintima hanagu manigahaze. (Hava 2:4)