Popular Bible Verses from 2 Tesalonaika 2

Share

Atrenkeno mago kampintira vahe'mo'za reramatga osino, na'ankure ana kna fore osu'nenigeno, kote'zana rama'a vahe'mo'za Anumzamofona zamefi humitesageno, kasegema rutagre ne'mo'a efore nehina, ana ne'mofona azeri haviza hugahie.

Hianagi tamagriku huta maka kna tagra Anumzamofona susu hunentone. Ramo'ma avesi'neramantea nenafugata e'se agafare Anumzamo'a tamagu'vazinaku huhampri' ramante'neankino, Avamuteti'ene tamage kerema tamentintima nehazageno, tamazeri ruotge hu'ne.

Ana ne'mo'a agra'a maka'zama anumzane hu'za mono hunentaza'zane, mago'a mono hunentaza zantamina ha'renezmanteno, Nagra ra mni'noe huno Anumzamofo ra mono nompi trate nemnino, agra'a azeri ama huno Anumza mni'noe huno hugahie.

Menina Ranti Jisasi Kraisine, Anumza Nafatimo, avesinerante'mo mani vava mani'zane, knare amuhazane asunkuzama'areti neramino, tamazeri so'e nehuno, kema hanazano, maka knare erizama erisazana, tamagu'a tamazeri hanavetigahie.

Na'ankure e'ina agafare Anumzamo'a antahintahizamia zamazeri savari hinke'za, havige zante zmentintia nehu'za

Anama hania ne'mo'a, Sata hanavereti hanavenentakezane, kaguvazane, havige avame'za erifore nehanigeno, Anumzamo'a zamagu'ma vazisigu'ma tamage kema zami'neana, zamagra zamentintia osu atre'nazagu, Agra mika havige avu'ava zante'ma fananema hu kantema nevaza vahera rezamatga hugahie.

Na'ankure kasegema rutagre hanavemo'a oku'a erizana ko e'neriankino, ana kama rehiza hu'nemofona azeri kami atretenkeno, kasegema rutagre ne'mo'a eama hugahie.